#صباح اليوم التاني
عمار : صباح الخير يا ست الحبايب
أزهار : يسعد كل ايامك ي حبيب القسى
عمار : الله يحفظكم لي انا حامشي اشوف الجامعه دي وفهمها شنو
ازهار : الله معاك يا ولدي......
#بعد م اليوم خلص وعمار جا راجع:
ازهار : اها ي عمار عملته شنو
عمار : والله ي امي لسه التسجيل حيفتح بعد اسبوع
محمد : كل شي بي وقتو سمح م تخاف ان شاء الله بتتسهل
عمار: ان شاء الله ي ابوي كونو وصلنا مرحلة هنا دي براها نعمه
#مر اليوم الاول والتاني والت..... الخ لحدي م خلص الاسبوع
واول يوم ف التسجيل عمار غير ملابسو وطلع بدري شديد علي حسب م الناس حيكونو كتيرين المهم قدر يسجل بعد عناء شديد ورجع البيت وهو مبسوط بعد م اتحدد ليهو زمنو الحينزل فيهو جمعا لانو م كان ف فرق من ايام التسجيل المهم عمار رجع البيت وهو مبسوط وكلم امو وابوهو وباركو ليهو وبعدها طلع يلاقي رفيق العمر اللي هو عبدالرحمن....
#ف بيت ناس عبدالرحمن:
عمار : (جا خاشي البيت توشك وبطول صوتو) ي عبدوووووو ي عبدووووو
يطلع عمك ابراهيم (وده كان ابو عبدالرحمن)
إبراهيم : هوي ي المجنون ده مالك ف شنو
عمار : ياعمي قبلوني السودان هندسات واسي الليله مشيت سجلته
إبراهيم :(سلم عليهو بالحضن) الف الف مبروووك ي ولدي والله فرحته ليك وقعدو يضحكو شويه جا عبدالرحمن :
عبدالرحمن : حببببببييييييييبي الف الف الف تبريكااات ياخ 😍مهندسنا م خذلتني ي اخوي ووصلته للكنته عايز اصل ليهو
عمار : (والدموع ف عيونو والعبره خانقاهو) معقوله يا اخوي اخذلك كيف وان شاء الله م حأخذلك نهائي
#تقاطعهم حاجه حليمه ودي ام عبدالرحمن بعد م عرفت الحاصل تقاطعهم بزغروده كبيره وكلهم يضحكو مع بعضهم.. 🖤💓💓
حليمه : الف مبروك ي ولدي وان شاء الله دايما موفق 💓ورافع راسنا
عمار: ان شاء الله ي رب بس دعواتك م تنسينا منها واهم حاجه اسي انا جعان جيت بي هنا من غير اي اكل
عبدالرحمن : والله دي مشكله انا وانت جعانين ف وقت واحد الليله ي حاجه الاتخلي المطبخ 😂😂😂😂
حليمه : لي انتو وحوش 😂😂😂
عبدالرحمن : خلاص ارح نتغدى وبعديها عازمك جبنه كده بي مزاج بمناسبة القبول والتسجيل
عماار : قدااااام بس طولنا من العطله....
...... يتبع..... 🖋️
