معاذ : ارح ي زول منتظرنك 😏
عمار : اي م تشحتف روحنا 🐸
خالد : خلاص ياخ م تمعطوني المهم البت دي حبيبتي😒
معاذ : امسسسك النبق قلته شنو 😲
عمار : كدي عيدها تاني 😲
ياسمين : واااي ي ساااميه 🤣🤣🤣
لجين : الولد عشقان ياااخ 😂😂
عناب : ي جماعه خلوهو ياخ م تطممو بطنو الولد عاشق يااخ 🤣🤣🤣🤣
خالد : ياااخ حريقه تحرقكم ان شاء الله غلطان البحكي ليكم 😒😠😠
انا قايم زاتي
عمار : لا لا يااخ خلاص معليش اقعد 😂😂😂😂
معاذ : والله بنهظر 😂😂
#المهم بعد م هدو خالد وقعد بدا يحكي ليهم
انو وحده اسمها رتاج كانت بتقرا معاهو ف الثانوي وهو كان بحبها شديد بس م قدر يعترف ليها لحدي م الثانوي خلص وافترقو وتاني م اتلاقو لحدي م جا يوم : ف #دكان الحله :
خالد جاي زهجان مشى الدكان حق حلتهم وخاشي الدكان وم جايب خبر قام خبت ليهو ف بت وقام كورك فيها :
خالد : انتي م بتشوفي 😠😠😠😠
البت : اجي ي ده انت مالك م شايف بعدين انت الداخل م انا ركز قدامك
#بس مجرد م رفع راسو وعاين ليها هو انصدم وهي انصدمت وهم الاتنين نطقو بصوت واحد باسمين مختلفين :
خالد: رتاج 😲
البت : خالد 😲
ودي كانت البت زاته اللي هو م قدر يعترف ليها المهم قعدو يضحكو مع بعض وقامو سلمو علي بعض :
خالد : اها كيف حالك وأحوالك وعملتي شنو مع الجامعه َمشيتي وين؟؟
رتاج : والله الحمدلله كلو ف السليم وشالوني الخرطوم طب اسنان
خالد : دكتورتنا يخ 😍الف مبروك
رتاج :يبارك فيك ي رب 😊اها وانت
خالد : انا شالوني السودان هندسات معمار
رتاج : ألف مبروك ياخ 😍مهندسنا
خالد : اها شلاقتك دي م دايره تخليها اسي الجابك هنا شنو
رتاج : 😒😒😒 انت الجابك هنا شنو
خالد :😂😂😂😂😂 عاينو منو بسأل كمان دي حلتنا ي جمييل
رتاج : بالجد؟؟
خالد : اي والله اها وانتي؟؟
رتاج : رحلنا هنا جديد ف البيت الجديد البعد الدكان ده رحلنا امس
خالد : انتي جاده الرحلتو امس بليل ديل انتو؟؟
رتاج : ايوا
خالد: طيب نحن جيرانكم بالحيطه ي منقوليه
رتاج : اصلو م بصدق
خالد : والله جد
#المهم انا م صدقته اني لقيتها ياخ انا لمن لي اليوم داك م نمته بعاين لي بيتهم
معاذ : الله عليك ي روميو 😂😂😂
خالد : بتغفل عشن اواصل ول لا
معاذ : معقوله بس خلاص واصل 😂😂😂
خالد : المهم بقيت كل اليوم الصباح بلاقيها ف المواصلات لحدي م يوم
..... يتبع.... 🖋️🖋️🖋️
