كشف سر (كامله) لــ خديجه السيد

4_

الفصل الرابع " ما قبل الأخيرة "
_____________________

قالت ساره بجديه : انا عاوزه أطلق

نظر لها معاذ بصدمه : نعم .. عاوزه ايه ..!؟"

عاده قائله ببرود : ايه ما سمعتش باقول لك عاوز اطلق ..

بينما تطلعت فيه بسخريه " ايه تكونش زعلان هو انت طايقني اصلا .."

ليأخذ نفس عميق و يحاول السيطرة على أعصابه : مقصدش كده بس اللي طلعها في دماغك تطلبي الطلاق دلوقتي .."

رديت مستنكرة : الي طلعها في دماغي اطلب الطلاق .. هو انا عايشه بذمتك انت مبسوط معايا .. ومش فرحان دلوقتي عشان بطلب الطلاق منك.."

معاذ بغيظ مكتوم : لا طبعا مش مبسوط بس كنت مستحمل عشان العيال .."

ساره ببرود : متخفش عليهم مش هيجري حاجه ليهم حتي بعد الطلاق .."

تسأل معاذ بأستغراب : أنتي مالك مصممه علي الطلاق كده ليه ما طول عمرك عايشه العيشه اللي مش عجباكي ده وساكته اللي حصل .. بينا عقد احد حاجبيه" ده انتي الأيام اللي فاتت مكنتش بشوفك لما برجع من بره وعلي طول نايمه مع العيال .. ولا كنتي بتعملي كده عشان تمهيدي لموضوع الطلاق

عقد ساعه ذراعيها أمامه وهتفت : احسبها ذي ما تحسبها المهم عايزه إطلق .. ومش هرجع في كلامي قولت ايه

تنهد معاذ و قال بهدوء : استهدي بالله يا ساره و تعالى نفكر بهدوء عشان العيال الطلاق مش سهل ."

نهضت بغضب قائله : سهل ولا صعب مش مشكلتي و برضه هطلقني ولا تحب اخلعك

معاذ بذهول : تخلعيني.."

********
فى حجرة متواضعة للغاية كانت تجلس آيات على الفراش مربعة ارجلها وعيون لامعه متألمة و دموع لا تجف ..كانت بملامح يبدو عليها الإرهاق الشديد .. عيونها ذائله من عدم النوم و طايل التفكير .. وجع جسمنها من عدم الراحه و التعب النفسي قلبها أصبح ينزف من وجع الفراق .. كم صعب عليها البعد عن زياد زوجها تتسال كل يوم نفسها إذا كان كل هذا الألم من فراق اسبوع وأحد فقط ؟! فماذا بعد سنوات ؟! لكن ما بيد حيله .. لكن عند هذه المقارنه بين أن تتركه أم يعرف سرها ؟! تصمت وتفضل البعد ولا ينظر لها نظره سيئه فكم صعب هذا لكن أصبحت متاكده بأنه سوف ينكشف هذا السر في أي وقت !! فكل وقت له اذن ؟! قطعت شوردها صوت والدتها قائله .."

= ايات تليفونك بيرن .."

رديت بصوت ضعيف : سيبيه يرن يا ماما .."

تقدمت منها سائله بضيق :

= ما انا لازم افهم بقى في ايه اللي حصل بينك وبين جوزك عشان تسيب البيت و تطلبي الطلاق وكمان مش بترد عليه .. وحبسه نفسك ليل ونهار في اوضتك و زعلانه عشانه، طب ما ترد عليه وترجعيله .."