فى غرفة منه بعد ان وضعها يونس على السرير جلس بجانبها واخذ يتحسس راسها ويهمس ببعض الكلمات الغير مسموعه للبعض
يونس بهمس:انا اسف ياجلب يونس مش بيدى الى عيحصول كله جدر ومكتوب
فاكره لما جولتى انك عتحبينى وجتها انا كنت صاحى صوح جلبي اتخلع من مطرحه لما سمعتها منك يمكن وجتها ماكنتش حاسس بالحب ده لكن حاجه اتحركت جواى ساعتها
دلوك انا الى عجولهالك ياحبت الجلب عحبك انا يامنه عحبك يابت عمى يامرتى وعمرى كله
لم تكن تدرك ماحولها لكنها تشعر بشيء يسلب روحها تشعر وكانها تجاهد للرجوع للحياه دمعه خانت اعينها وتركت جفونها وسالت على خدها الذى طالما يشعر بمعانات تلك الدموع عند نزولها
رفع اصبعه وازاح تلك الدمعه التى اصابت قلبه عند نزولها
يونس بحزن:لاه ياحبت جلبى لاه الا دموعك
ماتهونش يابت عمى ماتهونش
مروان :الدكتور جه يايونس
عدل من وضعيته بعد ان احكم الحجاب على راسها
يونس:اتفضل يادكتور
فى اسفل السرايا تجلس كريستين وصفيه بمفردهم بعد ان تركهم الجميع وتوجه حيث منه للاطمئنان عليها
كريستين:المفروض انك هاتسيبى السرايا بكره
صفيه بحنق:ماتفكريش ان لما افوت السرايا اكده هبجى بعيده ولا ماعرفش الى عيجرى
كيف ماجولتلك انا فيها ياهتتربج فوجيها
كريستين:ماشي بس مش عايزه تعملى اى حاجه من غير ماتخدى رأي مش عايزه الشغل يبوظ انا ماصدقت اتفقت مع يونس
صفيه:ماشى وربنا يستر مامرتحاش انا لثجتك دى
كريستين:مالكيش دعوه انت ليكى فلوس وبس
كان يقف بالقرب منهم يتصنت لحديثهم عندما شاهدهم جالستان بمفردهما عندما اتى ومعه الطبيب ورأهم دب القلق فى اوصاله دل الطبيب على الطريق ورجع فى عجاله ليسمع حديثهم
مراد بزهول:اتفجت مع يونس كيف يعنى
وأخيراً ياحلوين وبعد طول انتظار رجعوا ابطالنا ثانى يارب الاقتباس يعجبكم انتظرونى غدا الثامنه مساءاً بتوقيت مصر
دمتم بخير
مع تحياتى هدى السيد عبد البديع
