Dancing With Cinderella (Cordova Empire Series 3)

CHAPTER 7

Chapter Seven

Date

I ignored Nicolaus' texts. Dumiretso ako sa mga babaeng bumati sa akin sa paglabas ko sa may pool area. Labing dalawa ang naroon kasama ang mga step sisters ko. Walo silang babae at apat lang ang lalaki. Nang makalapit ako sa kanila ay nakita ko kaagad ang pagsisikuhan ni Essa at Fyrcelle na masama ang loob sa pagsali ko.

Their friends were actually nice. Lalo na si Isaac na hindi na nawala ang titig sa akin kaya mas lalong nanggagalaiti si Fyrcelle sa gilid.

"It's so nice to meet you!" anang isang babae na totoong tuwang-tuwang makilala ako.

I smiled at her before saying the same words back.

"So are you going to stay here?"

"Lucille, I told you she was only here for vacation. Pagkatapos ng bakasyon ay uuwi na rin si Roshlin sa pinaggalingan niya." Essa answered without minding her words.

Hinayaan ko lang siyang sumagot para sa akin kahit na hinihintay pa rin ako ng mga kaibigan nilang magsalita.

"Really? Where do you live ba?"

"Outside the country with my mom."

"And she's going back soon." singit ni Fyrcelle.

The boys gave me drinks. Pasimpleng umikot ang mga mata ni Essa nang kunin ko iyon.

"Sayang naman. You know what? Bakit hindi ka sumama sa amin this weekend? Pagkatapos ng party ni Essa ay pupunta kami sa Isla Fontanegra. We'll also visit the fish sanctuary. Masaya 'yon! Come with us!"

Hilaw akong nangiti lalo na't kitang-kita ko sa mga mukha ng babae ang antisipasyon sa sagot ko maliban sa dalawang magkapatid na pinandidilatan ako ng mata.

"I'll think about it. Baka kasi may pupuntahan ako."

Lucille laughed. "Hindi nga? Saan ka naman pupunta? Maybe you can reschedule that? Pwede ka rin naming samahan diyan kung gusto mo? You don't have any friends here, right? Sama ka na, Rosh!"

"I actually have friends here," sagot ko. Napatuwid ng tayo si Essa sa narinig. "But, I'll think about it. Sasabihan ko kayo kapag pwede akong makasama."

"Sana naman you can join us!" singit naman ng isa pa nilang kaibigan.

"Lucille is right, masaya do'n so think about it, Roshlin." dagdag ni Isaac na hindi na nawala ang malawak na ngiti sa akin.

Tinanguan ko lang siya bago siya mahila ulit ni Fyrcelle palayo. Dahil sa mga babae ay kahit paano hindi naman ako na out of place. Bukod sa dalawang magkapatid, maayos naman ang pakikitungo sa akin ng lahat. They were all part of the higher class in this town. Ang ilan ay anak ng mga politiko at mga kilalang negosyante sa lugar. Mabuti at nakasabay naman ako sa kanilang usapan kahit pa halos lahat ay tungkol sa karangyaan.

Nang mapagod sa pakikipag-usap at pang-aasar sa mga step sisters ko ay lumayo na muna ako at nagpasyang maligo.

Nagsimula na silang uminom ng alak. Ilang minuto akong nagbabad sa pool. Pag-ahon ko ay ilang message na ni Nicolaus ang naghihintay sa akin. Kahit paano ay napangiti ako. I read his texts.

Playboy:

Busy? Sige pala. Maghihintay na lang ako.

Playboy:

Sayang miss pa naman kita.

Playboy:

Meryenda ka na.

Playboy:

I have a question. Pwedeng magtanong?

The last text made me smile. Tinutuyo ko ang sarili habang nagtitipa ng text pabalik sa kanya.