#تحت_خط_الصفر
#بارت ١
#مريم_السعدي
طن طن... نداء
على جميع الركاب المسافرين على الرحلة رقم...١٢٤
المتوجهه ال.....
..التوجه إلى البوابة رقم...٣٨
والإستعداد للركوب على متن الطائرة
مع تمنياتنا للجميع برحلة ممتعة..
صباح الاحد
والغيم تارس سما بغداد
الدنيا ثلج وصوت علي ورايه
- يمااان يمانن هيووو
-هاا ولك شبيك تنكط
- وخرس تشرب كهوه لو لا عماد تخمرت كهوته
- ديله جاي خل اكمل الاوراق. واجيك صيح على عمر
- هسه هو يروح قبلنا.
كملت البيدي ورحت للكوفي اللي بالمطار
عملي اداري باحد مطارات العراق
صار سنه اشتغل بي احب عملي رااتبي اوكي ومرتاح حيل جماعتي الثلاثي المرح
عمر
وعلي
واني.. يمان
والدي تاجر باحد مناطق بغداد. المشهوره وعنده خير من الله
وعدي ثلاث اخوات من غير ام
والدتي متوفيه
من كان عمري سنه بسبب مرض صابها
زوجه ابويه اللي دوم جنت احسها تفرق بيني وبين البنات موبديها بناتها والله مرزقها بولد
وبالمقابل عمتي الارمله ربتني
( ام سنا )
سنا اصغر مني٦ سنوات
والدها توفى اثر جلطة كان صغير بالعمر
من بعدها انتقلت عمتي و سنا عدنا ببيت جدي الساكنين بي اهلي
من فطنت وعمتي فرد من افراد البيت
و سنا وحده من خواتي
اخبث ااذي تضربني مرت ابويه وعمتي توكف بوجهه بطيب خاطر تجرني للغرفه
اني وكح حيل انرفز والح و مشاكس وهي تتحملني
جنت اكره سنا كونها تنام يمها بنفس الغرفه جنت اريد بس الي
هلكد احبها
ماعدي غير عمه ولاعدي عم
دراستي بفضلها وصلت تدرسني وتدرس سنا
ووصلت لصف ثالث متوسط
وعمتي توفت
جانت اكبر صدمه بحياتي مااعرف غيرها ام تاذيت هواي ووالدي. قربني اله
وبده يجرني لتجارته. بس مكدرت اتوالم وياه التزمت بدراستي ونوعاً ما ابتعدت عن البيت سنه
جنت اشوف معاناة سنا و اتلذذ بيها وبداخلي اكول حيل بيها موجانت تاخذ عمتي مني
- ماما شنو بس اله تدرسي اني هم تدرسيني اني بنتج
ولخاطر عمه جنت اسكت ومن اطلع من غرفتها اذبلها حجي. وتكوم تبجي
لو اقلد على شاربها
لو اقلد على انتفاخ خشمها كونها مراهقه ينفخ
لو اكولها وجهج اصفر جنج عكربه
اخليها تبجي يله ارتاح ومن عمتي تعتب انكر ببساطه
- عمه تكولج هيج حتى متدرسيني وتضوجين مني
جنت اقره بعيونها الرضا رغم صلافتي.
