تكملة بارت ٦
#تحت_خط_الصفر
#مريم_السعدي
يمان...
لحظتها معرفت شسوي رحت لاهلها اخوها فار واخوها الثاني اخذ الرقم اللي اتصلت بي وردت صيح وعيط وهدد سدته بوجهه وغلقته
جنت اباوع لأمها احس تعرف شي وضامته عليه حاولت حاولت وياها تنكر عفتهم وطلعت
عرفت مراح يسوولي شي جهالي براسي يفتر كل موقف وياهم
مثل المخبل فيزت لاسطنبول بليلتها رحت لابويه للشغل حجيتله وفهمته رايح اجيبهم اول مره احس بخوفه واهتمامه يصيح ويتوسل وصوته تشحط
- ابني اجي وياك ونرجعهم سوه
- حجي باجر طالع اني ماريد اضيع يوم بعد خاف تطلعهم
- ابويه انتضر وياك اجي
- ماكدر حجي ماكدر يله فيماللا
طلعت الفجر اتصالي كان وي وليد اللي كال
- تره ويانا نفس الرحله هي
سكتت مفهمته انه اني هم اطلع وياكم
وصلت لاسطنبول واجيت للعنوان الدزه الي جان ينتظرني بالشارع شفته وكفت التكسي حاسبت ونزل
استقبلني وصعدني فوك ويا اربع شباب سالته عنها كال بيت صديقتها
- وين وين صاير دليني
- مادري
- وليييد
- انت جاي ويانا باجر
- ااي جاي
- اي زين بعد شكو انتظر باجر نروح سوه ونلتقي هناك
توني اكوم اتعارك ويا كعدوني جماعته كعدت بغربه اني يكتلوني ومحد يحس بيه كام يصيح
- انت وياها اني شنو تسويها هوسه عليه وتذبها براسي
كعدت مفرفح
- وليد جهالي فدوه
- معليه انييي مرتك واصله أخاف منها تخربط اموري كلها جايز من روحي
فركت وجهي وبقيت احاول اخابرها
ويطلع مغلق
لل١٢ بليل دكيت دك وكفت طلعت من الشقه ردت
- الو
- تماضر انتِ وين الله يخليج
- باجر نلتقي يمان باجر ونطلع سوه
- تماضر اروحلج فدوه الجهااال
- يمي شبيج تخاف عليهم بكدي اني ام اريد اامن مستقبلهم
- ليش هيج ليش ولج اذا صار بيهم شي اشرب من دمج
- راح تشوف شون ترتاح هناك وراح يجي يوم تكولي همزين سمعت كلامج
غمضت واسمع صوت يارا تغني
فاذر فنكر فاذر فنكر وير ار يو وير اريو
بله مااحس نزلت دمعتي بوكت اول مره اسويها بحياتي مباجي عمتي عمتي شكد عزيزه متت قهر اربع ايام منايم ودمعه منزلت
كملت تماضر
- يمان عيشه بالعراق مضلت النا
- ليش شقتنا وجهالنا اني متحمل لخاطرهم
- حتى اني متحمله لخاطرهم والشقه كلت لامي تبيعها بس اوصل واتواصل وياها
- شسويتي بينا حرام هدمتي كل امالي من عرفتج لليوم خليتيني اندم كل لحظة عشت بيها وياج تارك اهلي
