#تحت_خط_الصفر
#بارت ٤
#مريم_السعدي
- منو خاطب طيح الله حظك عمر
- ها.. فصخت!!!
- هسه انت شكو تغرد من نعنعلا صفحتك
احجي متنرفز غديت دم واتلفت اباوعلها مميله راسها وتلعب بشعرها تعاينني بعيون خدرانه واني انسحنت روحي
عمر يضحك ويباوعلنا أثنينا
- دكوم روحلها مو دتصيحك بعيونها كوم صارلك شكد تلوب عليها
- لا رحت مره خوما كل مره
- بكيفك لتبجي من تطير راح وهو يأشر بايده مثل الجنح
مر اليوم واني أختم وعيوني عليها وهي تروح وتجي من يمي تشمر بشعرها وتعاينني تبتسم
دخت بيها نسيت كلشي..
نظراتها جانت مو نظرات عاديه ابد تأسرني اسر
حدما انتهى دوامنا دااطلع شفتها توكف تكسي
التفتت من شافتني شغلت السيارة ابتسمت ودارت وجهه عالشارع
اسالها؟
اكولها اوصلج
اخاف تكولي لا وتفشلني
صعدت وعيوني عليها
تكسيين وكفت ومحد قبل ياخذها عبست وجهه والدنيا غوربت
نزلت
ماعرف شون ابدي بس حجيت
- ااا... تماضر وين توصلين؟
وين توصلين شنو خرب حظك يمان شنو سايق كيه بقت صافنه عاكده حاجبها تضحك
- شننوو !!!
- اا ههه ونصيت يعني اقصد اوصلج
بقت تباوعلي كالت بصوت ناعم حيل
- خاف زحمه عليك
- لاعادي تففضلي
احجي واكطع صعدت بسلاسه وكعدت
لبسها وريحتها عطرت ام السياره وشعرها كلما تعدل بي تطلع ريحه تخبل
سرررح ولونه صابغته اشكر مشطب ومن جوه ملفلف تمنيت بس امد ايدي عليه واتلمسه
طلعت وعيوني كلسا تصير عليها تبتسم وعيونها كبل
نسيت حتى اسالها وين بيتكم
طلعنا شارع المطار شغلت اغنيه بس ردت اخفف الارتباك تالي طفيته لان طلعت ليله ويوم
كالت....
- مادري بيك خاطب
- ها اي والله بالجديد
- يعني توقعتك اعزب من جيت كتلي معجب
سكتت خانس
سيارات كدامي تشتت انتباهي دادوس بريك دست بانزين وشلت رجلي
الاشوي اطب بالكدامي
همست
- على كيفك فدوة
طبكت وطفيت فركت وجهي وباوعتلها ابتسم.
- ههه شوي مرتبك اول مره بنيه تصعد ويايه
باوعتلي بنظرات خبلتني همست
- حقك اني مو اي بنيه عاديه
هزيت راسي مشلت عيني بقت تعاينني عيونها تحجي تحجي ياللله انسطرت
دقايق وحجت بنعومه اقرب للهمس
