#مشهد
واثناء طلعتي افتر لكيت حديقه كلش حلوه واشجارها نازله تخبل
قريب نهايه دوامها رحت للجامعه وويايه علاكه بيها لفات وحلويات فاكهه شوي وعصاير وانتظرتها وي احمد دلاني عالكليه
اخابرها ترفض
احمد يخابر مسره ترد عليه تكوله محاضره وبقينا ننتظر
واني ببالي احاسيس وابتسم
احاجيها اكولها عن ندمي
اريد ابلش من جديد
اريدها بحياتي اشاركها بكلشي
واني صافن والمحها طلعت هي و٣ بنات وياها ابتسمت تحجي وتسجل مخبوصه
وانصدم بصوت احد صاحها
- سناا ... دقيقه عدي حجي وياج
جاوبت
- اي جيت
من اباوع زين هذا مو مؤيد
هو وقاطه وكرعيته شجابه هنا
وتذكرت من كالت دكتور جان يجينه
تشخصت عيني عليها من جر الكرسي تبتسم وكعدت كدامه وهو هم كعد يبتسم
