#تحت_خط_الصفر
#بارت ١٥
#مريم_السعدي
بقيت أنتظر تقريب الساعه الا ربع
غربت الدنيا واني صافن اخاف انزل وتلكفني
خليها هناك اواجهه اريد افهم وين راحت وي عمها طلعو واديهم فارغه من العلاليك الجانو شايليها
صعدت بالسياره وطلعت
وطلعت وراهم بقيت امشي ذبت عمها بيت جدها وفرت السياره
هذا كله واني وراها بس ببعد بحيث متشوفني حد موصلنا منطقتنا ولكفتني وراها علگت دبل اشاره فهمت انها لمحتني
وسرعت مشيتها بالفروع وصلت ذبت سيارتها ببيتها واني طبكت سيارتي بالطرمه مالتنا وداانزل اروحلها شفت سياره لخ بباب بيتنا مادري مال منو
توني دااطلع شفتها جتي وطبت ليجوه لبيتنا مستعجله مباوعتلي لا والنوبه معاجبها
طبيت وراها
- اوكفي دا احاجيج هووووب
ولا دارت بال ولا جن سمعت صرت نار
طبت للصاله طبيت وراها ابويه كاعد يشرب جاي صيحت
- مو ووووياج
صيحت
- شتررررريد خالو سويلي جاره لاحكني بعربانه فهمني تورررطت
صيح ابويه
- يممممان
- حجي دقيقه دقيقه انطي صبر
وين جنتي كلتها متخوصر
- شنو وين جنت شعليك انت هااا شلك دخل بيه
صيحت بعلو صوتي
- ووووين جننتي
- انت شعللليك اووووه
بابا وكف يأشرلي اسكت عظ اصبعه
صيحت
- حجي اسألها وين ولت وي عمها
حجي طلعت طريق خارج بغداد راحت لسجن بعيني شفتتتتها
صفنت بهتت ملامحها و أبويه فك عينه كلها
بقت تباوعلي بصدمه فاكه عينها وتتنفس بغضب التفتت على ابويه بهدوء همست
- خالو
ابويه غمض ولم شفته همس
- سنا.... سناااااااا
بحياتي هاي حياتي كلها مشايف أبويه بهالغضب
وهي رأساً بجت
بقيت باهت شنو السالفه ابويه يدري
تقربت تتوسل
- خالو بس افهمك
لزمت ايدها نفرها بكل قوته صيح رحتيييييله لللسجن مو
بقيت جامد منو.... منو عليمن
المصيبه موهنا المصيبه طلع واحد من حمام الصاله بقه صافن عاگد حاجب
وسنا ماتت بحي تتقرب من ابويه وابويه ينفر ايدها تالي تركها وطلع من الصاله يمشي ويتعثر
سنا لزمت راسها وكعدت عالقنفه ماتت بجي بقينا اني وخطيبها مثل وجه الحايرين
تقرب منها باوعلي وباوعلها
- شبيج سنا
