#تحت_خط_الصفر
#بارت ١٧
#مريم_السعدي
- اذا كتلك انهي كلشي تنهي
سكتت اركز مدا أستوعب
ردت حجت
- يمان اريد اسافر اكمل دراستي وكفت وياك هواي اوكف ويايه هالكم سنه وبعدها روح
- سنا مدافهم
- يمان لتعقد عليها محتاجه مرافق ويايه واريد الجميل ينرد ماعدي غيرررك
كالت هالعباره بخذافيرها
- وااني مثل متريدين اصير
- نعقد ونطلع لاانت رجلي ولااني مره اللك يمان
- صار
- اكمل اربع سنين وبالعطله نرجع نضل ست شهرر كل سنه هناك وسته هنا حدما اكمل
بقيت ساكت
- يمان تسمع لو شنوو
- دااسمع سنا على كيفج ليش ترجفين
- ااني مادري شسوي ماعدي غيرك وانت الخربطت حياتي
واني ارتبها وتعوفها لخطيبتك عادي
سكتت
ردت حجت
- عادي عدك كسر الخواطر البارحه اني اليوم هي
- لازم اكعد احاجيها مابيه حوبه ثانيه والله حيل حيلي انهد
شخيصير بيها يا الله... هي حاسه بيه مويمها اني حاسه بيه گلبي موالها
سكتت متنهده
- عفيه ٢٠ بالشهر تنفتح الدفعات ماعدي وكت
- اعتمدي عليه
- جوازك
- يطلع لتخافين
- يمان تعوف كلشي وخالي شون
- خلي عليه
تنهدت براحه
- سنا
- نعم
- لتخافين ماخليج تضيعين حلمج هالمره
- ااني مخايفه مرعوبه هذا طموحي من جنت طفله افتح مركز وهسه تعرقلت حيل وشفت الدراسه بره اسهل شي وماريد اضيع سنه بعد خالو وعمامي والعشيره وكفت بوجهي شون اطلعين وخدج واللي تقدم انتهازي يريد على كل سنه. ٢٠ الف دولار
يكولي اني عايف شغلي وطالع لخاطرج مكدرت اتحمل ابقى وياه نهيت كلشي والدكتوراه مستحيل احصلها مادام هذا رئيس اللجنه وشد ويايه بعد
- منو؟!!
- اللي خطبني لان ضميت عليه سالفه ابويه يگولي تلعبين عليه معرف شنو المشكله اني اريد اوصل لطموخي بأي شكل
غمضت عيني وحجيتها
- وانتي ماعدج اي احساس غير الدراسه ماعدج اي طموح ثاني
- لا... لان تعبت
- انطيني مجال هالاسبوع اليوم ثنين بالشهر
- اي
- خليها عليه مضبطه امورج على اي جامعه تقدمين
- محضره كلشي بس اخذني وهاهي
- ماشي
- باوع صديقتي كالت اكو وضايف مؤقته هناك يعني رجلها حيطلع وياها ويشتغل
- شنو وضايف تقصدين الي؟!
- اي اي شركه مال ببسي يوم بيومه حتى متضوج
- سنا السالفه يوادلها گعده مو مال فون
- اوك
- بس خل احاجي ابويه واطيب خاطر البنيه ونكعد نتفق
جرت حسره كالت
- بوكتها محد طيب خاطري
غمضت عيني عرفت حتحجي هيج
- اني اطيب خاطرج واوصلج للتردين توصليله راح اسندج
- راح انتظر
- ماشي
- باي
- الله وياج
