الوعد والرحيل
الفصل. 17
اسد دخل لمديره في الشغل علشان يوافق له علي الاجازه
لكن اتفاجئ بمديره بيقوله ان اقامته هتخلص الشهر الجاي
ولازم يفضل لعند ما يجددها
وبعدها يقدر ينزل
اسد اتصدم. وزعل وقام رجع علي السكن
مسك تليفونه. وبعت رساله لنانا. يتطمن عليها
نانا ردت وقالت :- انا لسه راجعه من عند الدكتور كشف عليا. وعملت اشعه
اسد: ورحتي اذاي ومن راح معاكي
نانا:- ماما الصبح راحت مع بابا للدكتور
واتأخرو. اتصلت علي امجد. جه خدني ورحنا للدكتور.
تخيل يا بيبي واحنا قدام الدكتور البارد ده الدكتور يسأله انت تقربلها ايه. قاله مراتي هههههه
اسد صمت ماردش،،،،
نانا فضلت تكمل وتحكيله
واسد صامت. ومش بيرد
نانا:- مشغول ولا ايه. مش بترد ليه
اسد :- اتصلي مش قادر اكتب
نانا اتصلت
رد اسد وقال بصوت يادوب مسموع:- اذاي احمد يدخل معاكي عند الدكتور !!
نانا:- ماهو يا بيبي مالقتش حد وكان لاز.........
قاطعها اسد بصوت اعلي وكله غضب:- وحرق ابو اللي جاب امجد يدخل معاكي اذاي وانتي عند الدكتور وبتكشفي
نانا:- يا بيبي اهدا. انا اتعودت اصارحك بكل شي
يعني لو خبيت عليك وما كنتش عرفت مش كان احسن وما كنتش هتتخانق معايا.
اسد بصراخ:- وانتي فاكراني بقرون هقبل باللي بتعمليه ده
انتي اذاي حد مش اخوكي ولا ابوكي ولا عمك ولا خالك ويوديكي للدكتور ويدخل معاكي اما تكشفي
انتي متعوده يعني علي الانفلات ده
لاء فهميني علشان اعرف بس
هو انتي كل شئ معاكي عادي كده.
نانا اتصدمت من كلام اسد. وعنيها رغرغت وخافت جدا. وحست بألم في قلبها
وصداع وقالت بصوت خافت
مصحوب بالبكاء:- والله كان قاعد علي مكتب الدكتور والكشف كان في غرفة الكشف جمب المكتب.
اسد بصراخ وصوت عالي جدا:- انتي ايييييييه. ماعندكيش احساس. ماعندكيش دم.
ماعندكيش عيب ولا حرام.
انتي امبارح كلمتي مامتك عليا واتفقنا هنزل اقابل باباكي
وعارفه اني زفت صعيدي. وعارفه طبعي
وعارفه عاداتي وتقاليدي
وعارفه اني ما اقبلش ده
وعارفه ان زفت الطين امجد ده اتخانقنا علشانه الف مره.
كل ده ما خلاكيش تستني ميتين اهلك اما يرجعو ويودوكي للدكتور. غبييييييه انتي.
ولا بتستعبطي. ما علموكيش تحترمي الناس في غيابها. ايييييييه. انتي ايييييييه ما بتحسيش
نانا انهاردت وكانت الدموع بتخرج من قلبها علي عنيها. الالم كان اشد من اي وجع شافته في حياتها.
وبقت ترتعش وحاولت ترد
وقالت:- ليه كده. حرام عليك. انت فاكرني ايه بتقولي كده.
انا بنت ناس مش بنت شوارع.
بتنتقم مني كده ليه
عملت لك ايه تهيني بالشكل ده.
اسد نبرة صوته هديت لما حس بحالتها.
وصعب عليه بكاها.
قال:- واللي انتي عملتيه ده مش اهانه ليا.
ليه يا نانا في غيابي ما تحترمنيش زي ما بحترمك
دانا من ساعة ماعرفتك. ماقدرش حتي اكلم وحده تانيه ولو في الشغل حتي.
مع اني راجل. بس بحترمك في غيابك.
ليه انتي مستسهله اللي بتعمليه ده.
