اميرتي

حلقة 1

#اميرتي

ملاحظة:الرواية من الواقع الأليم الي كل يوم نسمع بقصص العقل يرفض تصديقها ! ياريت تستفيد من العبرة بالرواية وتشوف تجارب غيرك وكيف كانت عائدة عليهم بالسئ وتتعلم منها خصوصا المراهقين والي في مرحلة الشباب ❤

^القصة حتكون علي شخصين وحتفهمو معا الاحداث

الحلقة ( 1 )
بقلم محمد مالك 🖤

قراءة ممتعة للكل ياريت لايك قبل ما تقراء وتعليق بعد ما تقراء برايك ❤
___________________________

شادة البيبي في حضني ودموعي ينزلو زي النار والكلمة الي تتردد علي لساني :يارب يارب يارب احميه يارب

سمعت صوت رصاص والبيبي قعد يعيط
وسمعت صوت عياط تحت بابا مات
نزلت نجري من الدروج ونتخيل فالمشهد الي حنشوفه قدام عيوني !!كيف حيكون وخائفة علي ساامي موت واني نازلة لدروج مشفتش بابا لالا شفت سامي حاط ايده علي قلبه ويكح فالدم !!

انا بصوت عالي وانهيار تام : سااااااااامي

قبل الاحداث بعامين ____

انسان تحبه وتحلم بيه يكون نصيبك ويسخر الله و يكون من نصيبك كيف حتكون فرحتك انك حتكمل معا الانسان الي تبيه من كل قلبك شعور بالسعادة لا يوصف ولا يقاس !!

كان اليوم يوم عرسي
يوم فرحي يوم الي حنحقق فيه الحلم الي كنت نحلم بيه ! لو سالتو الدنيا من اسعد انسانة اليوم هاده حيجاوبك انه اميرة كل شئ نشوف فيه حلو والابتسامة مفارقتش وجهي

درت عرس متواضع وحلو
عبرت فيه ع فرحتي باليوم هاده

معا صوت السيارات
قالولي سامي البرا
يستنا فيك

خش سامي وخداني من ايدي ومبتسم نزل البرنوص علي راسي وطلع فتح باب السيارة وركبت وكان صوت السيارات ( بيب .. بيب ..بيب ) والاشارات الاربعة والعات ورانا

سامي شافلي والابتسامة الي ع وجهه تفتح النفس !
فتح المسجل و رفع الصوت شوية وكان صوت الاغنية خفيف

سامي: اميررررتي
انا قلبي يدق بالخوف والفرح شعور تتمناه يتكرر كل يوم !

وصلنا لحوش اخته لان كان ميحبش الفنادق !
نزلني و خشينا للحوش

فتح باب الحوش
سامي :برجلك اليمين يا اميرتي
خشيت برجلي اليمين
سامي سكر الباب وتلفت رفع البرنوص من علي راسي علي طول
ورفعني في حضنه وعيونه في عيوني
سامي: وصلتي لي اميرك يا اميرتي وقرب مني
ابتسمت وحطيت صبعي ع خشمه :نصلو قبل
سامي:هههههههههه نصلو قبل حاضر

رفعني للدار وانا في حضنه نزلني علي السرير
وقفت وشفت للمراية وهوا كان ورائ بزبط

اميرة :افتحلي القفطان لو ممكن
سامي:ممكن علاش لا ؟
وقف ورائ وحط ايده ع كتفي اليمين ودقات قلبي الي نسمع فيهم ! كان الموقف رومنسي لن سامي معرفش يفتحه 😂