اميرتي

حلقة 2

#اميرتي

حلقة ( 2 )

بقلم محمد مالك ⭐

لايك قبل ما تقراء ❤
قراءة ممتعة للكل 🖤

ملاحظة :اصحاب الذاكرة الي يتفكرو حتا بعد مدة ركزو علي كل حدث ومرات يكون تافه بس في مستقبل حيكون مربوط في حدث ثاني بالحلقات واكثر من حيستمتع من يتفكر مليح ولما يربط موقف بموقف يفهم كل شئ ❤
_________

ندي واقفة فالروشن وتشوف للشارع تستنا في عمر يجي وفعلا درست سيارة عمر !
ونزل منها وكان لابس نظارات وشخصية

طق عالباب وهيا من الفرحه نزلت الدروج وتجري

فتح الباب زياد

زياد يشوف لي عمر
عمر حول النظارات :السلام عليكم
زياد:وعليكم السلام

عمر: الوالد موجود ؟!
زياد: موجود ايه شن تبي فيه !
عمر:نبي نتكلم معاه بعد اذنك
زياد: دقيقة نشوفه ليك
عمر:تمام نستنا

زياد رد الباب وخش
شاف للمربوعة الخارجية وكان بابا ديما يقعد فيها ويتفرج التلفزيون بحكم أنه ميحبش المكيف !

زياد:بوي فيه شاب البرا يبي يتكلم معاك
بابا: قوله يتفضل
زياد: تمام شوية هي

زياد فتح الباب :تفضل تفضل
عمر يزيد فضلك وخش للجنان

ومشو للمربوعة

عمر خش وقال السلام عليكم
بابا..رفع عيونه :وعليكم السلام ...انتا شن ادير اهنى
زياد:مني هاده ؟!
بابا:اطلع من حوشي يا ملعون اطلع
زياد..لما شاف رد فعل بابا شد في يد عمر :هي ك بتطلع خيرلك
عمر: نتكلم علي الاقل بس علاش تلز فيا طول يا استاذ
بابا:انا قتلك معندكش نصيب عندنا ! بنتي متزوجش واحد ميخافش ربي
عمر: اني جاي ضيف بنقول كم كلمة وبنتوكل علي ربي
بابا وقف وشد عكوزه : معاش تذكر اسم الله علي لسانك يا ****
زياد جبد عمر بقوة :هي أقلب وجهك لبرا قالك

ندى كانت تشوف من روشن المطبخ وقلبها يدق وعيونها تعبو دموع

نزل مؤيد من الدروج وطلع للجنان لما سمع صوت دوشة

شاف زياد شاد ف عمر ويجبد فيه

مؤيد شد عمر من الخلف :خيره ؟!
بابا: طلعوه برا حوشي الشيطان هاده
مؤيد وزياد تعافرو معاه وطلعوه برا الباب

عمر: تي ماشي اني نتلز وهكي يصير !؟
بابا: امشي يا شيطان من اهنى امشي مصيرك جهنم وبئس المصير انتا
عمر ركب سيارته وخبط باب سيارته بقوة وطلع يجري من قدام حوشهم
بابا: ملعون هاده مزال يقرب الحوش يا ويلك انتا وخوك هاده شيطان متنكر
مؤيد: به شن مدايرلك ؟! احنى ما فهمنا شئ امس لزيتهم وسمعتك تقول مفيش نصيب يعني نفس الي لزيتهم امس
زياد:نفسه ايه امس جاب عيلته واليوم جاي بيتكلم ع اساس شكله يبي يعرف السبب
مؤيد:نيته كويسة الراجل يعني مدام جاي بعد الاهانة امس
بابا: اسمع انتا وياه هاده شيطان اعوذ بالله منه اني نعرفه نيته اخبث من اليهود
مؤيد بيتكلم
زياد فنص ف مؤيد بمعني اسكت خلاص !
مؤيد..سكت وخش للحوش