اميرتي

حلقة 4

#اميرتي

حلقة ( 4 )

بقلم محمد مالك ❤⭐

لايك قبل ما تقراء
قراءة ممتعة للكل ❤🖤

______________

عمر ركب الدروج لقاني نتفرج ع ديار : شن عجبك ولا مش حلو
ندى: حلو يفتح النفس
عمر..قرب مني : حتا انتي حلوة وتفتحي النفس
ندى..بعدت شوية..وابتسمت
عمر..زاد قرب مني وخداني في حضنه
ندى..بخوف: بعد من عليا!!
عمر..زاد شد فيا : علاش بنبعد !
دفيته باقوا ما عندي
عمر:خيرك ؟! شن فيه !!
ندى..دموع ينزلو علي عيوني: بعد من عليا متفكرش حتا تقرب !
عمر: من شن خائفة ؟! مني اني ؟! وشن فيها كان قربت منك غدوا حتولي مراتي !
ندى:لا منبيش نولي مراتك نبي نرجع لي حوش اهلي توا
عمر: يا عمري لو ترجعي لي اهلك توا ممكن يقتلوك ! معندكش حل ثاني ..وقرب مني وشد ايدي
ندى..دموعي ينزلو : بعد من عليا قتلك
عمر: غدوا حتكوني مرتي شن فيها لو سبقنا الاحداث بيوم ؟! ما فيها شئ ولا ..وزاد قرب مني
كان فيه ع طاولة زي التفاحة كريستال قمتها بيدي وضربته بيها ع كتفه كنت ناوية راسه بس رفع يده
لقيت روحي نجري مش ننزل من الدروج
عمر لحقني بسرعة وشدني: غير خيرك هبلتي وين عقلك ؟!
ندى..بصوت عالي:بعد من عليا قتلك
عمر..بعياط: خلاااص عاد الكلام ممشاش معاك نعرف شن يمشي معاك
واني نقاوم ونجبد بي روحي منه
لقيت روحي واكله كف ! لن داخت بيا الدنيا !!
عمر يجبد فيا للدار واني نبكي وع قد ما قاومت مقدرتش !
عمر دفني ع سرير وطلع وسكر عليا الباب !
اطمنت شوية اهم شى بعيد عليا !! ومقربنيش !! هاده اهم شى عندي
قعدت نحمد في ربي وندعي انه يبعده عليا !
اقل من عشر دقائق رجع فتح الباب وحول من المفتاح وخش حط المفتاح وسكر الباب وحط المفتاح فوق الدولاب
كان مقابل السرير دولاب سحاب حطه فوقه

عمر: اهدئ خلاص ؟! من شن خائفة بزبط ؟! خائفة اني نديرلك حاجة؟ لو متبيش مش حنقربك
ندى..كنت منهارة ونبكي: افتح الباب
عمر: مش تهربي ويقتلوك خوتك ؟ لا مش حنفتحه
ندى: مش هاربة بس افتحه
عمر: علاش نفتحه قتلك مش حنديرلك شئ
وكان يزيد يقرب من السرير شوية شوية
ندى..تشهق بعبرتها: افتحه يا عمر والله ما حنهرب
عمر: وعد ؟!
ندى: ايه وعد
عمر رجع وخدا المفتاح فوق الدولاب وفتح الباب :كويس توا
ندى:ايه كويس ..مسحت دموعي بيدي
عمر..قعمز ع حافة السرير : متخافيش اني نحسابه
ندى: تحسابني ؟ شن تحسابني رخيصة ؟! لانه رضيت هربت وجيتك لانه نحبك
عمر: لا مش هكي قصدك بس غدوا عرسنا وتولي حلالي شن الي مش عاجبك لو خديتك ف حضني
ندى:الي درته مش بتخليني في حضنك انتا قربت مني هلبا ! وبابا صدق بكلامه شيطان
عمر:ايااه علينا ع خاطر قربت منك شيطان
ندى: لانه لو تحبني ولا تخاف ربي كنت مفكرتش فيا ولا قربت مني لن غدوا
عمر..ناض من حافة السرير وجبدني من رجلي ويتكلم بعصبية: ايه نحبك ونموت فيك ! ومش حنقدر نصبر باهي توا