لاايكك مهم جدأ
#اميرتي
حلقة( 8 )
والأخيرة
بقلم محمد مالك
______________
واميرة سعيدة وفرحانة !
لكن الي محدش يعرفه انه ما بعد الهدوء عاصفة !
مرت الايام
وكانت اجمل ايامنا
بالنسبة لي أميرة الي فرحانة بولدها
او ندى الي بدت تاخد علي ايهاب !
وكان عون وسند كبير ليها !
سامي مهبلني اليوم
يبكي وميسكتش
ندور بيه ف حضني فالشقة ماشية جاية
ونغني علي امل انه يسكت !
سمعت صوت سيارة وسام
اميرة..مبتسمة لي البيبي: اهو بابا جا اتصرف انتا وياه تعبتني
شوية وفتح وسام الباب
وسام:خيره يعيط الغزال
اميرة:مفهمتش علاش درتله كل شئ وشبعان
وسام: هاتيه ترا
خداه وسام لي حضنه سكت !
وسام: شن اتفقنا يا سامي ماما متزعلهاش لما اني مهناش دير بالك عليها صح ولا !
اميرة: حي كيف سكت ف حضنك من بكرى ندور بيه !
وسام..مبتسم: ولد بوه حتا هوا !
فنفس الجملة سمعنا صوت قزاز تكسر !
وسام:هاده شني ؟!
اميرة:مش عارف مش فالحوش شكله لوطا
وسام: شدي سامي ننزل نشوف هاده وين
خديته ف حضني
وسام فتح الباب
ونزل الدورج واني فوق نسمع فيه يتكلم معا امه
قتله لا الصوت مش تحت شكله ف شارع ! ولا قدام الحوش
ركبت البلكونة واني خائفة ع سامي بسم الله شن الي نكسر هاده !
شفت سامي فتح الباب وواقف ع سيارته
لقي رشادة مكسره المرش الخلفي !
وفيه ولد صغير بس فالشارع
وسام..مشاله وشده: انتا كسرتها؟!
الولد: بدون قصد بدون قصد !!
مشكلة وسام انه عصبي كان
طق ع باب حوش الولد وطلع بوه
فنفس الحظة زياد خاش للشارع بسيارته
وسام: بالله علمه معاش يلعب بالرشاد ويرميه عندنا سيارات ورزق زي توا اهو المرش نكسر !
بو الولد: تبي نخلصك فيه ؟
وسام: مناخدش غرامات من حد علمه انه ميحدفش شئ فالجديد بس هاده الي نبيه منكم !
بو الولد..بدا يعلي ف صوته ع سامي !! : مش معلمه وخليه يكسر كيف ما يبي !
وسام: غير خيرك تعلى ف صوتك عليا !
زياد..نزل من سيارته وشافهم يتناقشو بصوت عالي
والمشكلة كيف بدت بينهم !
مشى باتجاهم
بو الولد: نعلي صوتي لان انتا من تكون مش تعلمني كيف نربي ولدي ! هيا برا خيرلك !
سامي: تهدد فيا ؟! ..شاف للولد: خش داخل امشي
بو الولد: علاش ادخل فيه الولد هيا اقلب وجهك بالك !
سامي: نبيه يخش لانه مش رجله نضرب بوه قدامه !!
بو الولد:شن قصدك انتا
ف لحظة هادي وقف بينهم زياد
زياد:غير صلي ع النبي انتا وياه !!
أنت تقرأ
اميرتي
Mystery / Thriller#اميرتي المقدمة شفت حقد شفت كره شفت حاجات فسدت مستقبلي مش يومي مستقبلي ادمر اكثر المخلوقات الخطيرة علي وجه الارض البشر ! وخصوصا الي ما في قلبهم رحمه! توصل للخطف توصل للقتل توصل للغدر واكثر واكثر ظلم وخبث وكذب ونفاق في وسط قصة حب مش فاهمة وم...
