لاايك ❤
#اميرتي
حلقة ( 6 )
بقلم محمد مالك ❤🔥
قراءة ممتعة للكل
____________________
هما فالجنان الخلفي سمعو عياط ندى !!
مؤيد..شاف لي زياد بخوف : صووت ندى !!
زياد:اجري أجري وضرب الباب برجله كسره
عمر كان شاد الحزام ويضرب في ندى ! ع رفضها
سمعو صوت الخبطة
عمر..يشوف لي ندى بحقد
فتح الباب وسكره وراءه
وشاف للدروج ونصدم لقى مؤيد راكب يجري وزياد فالدور الارضي
مؤيد..بصوت عالي لي زياد : اهواا اهنى!!
عمر..ركبه الخوف بشوفتهم بسس ! ضرب مؤيد بالحزام الي ف ايده
ومؤيد هجم عليه
وقعد يتعافر معاه
ندى تسمع في اصوات خبط البرا ودوشة
زياد لحق مؤيد وشد عمر من الخلف !
ندى..بين الاصوات عرفت انه واحد منهم خوهاا زياد بدل ما تحس بالأمان!! زاد الخوف عندها !!
زياد من كثر ما كبت كل شى في صدره جت فشت الغل في عمر ضربه ضرب زي المجنون بزبط يضرب وين ما يجي
مؤيد..يضرب في عمر برجله ويعاود في كلمة وحدة !!: اختي وين اختي وين !!
ندى..تتالم بالدار مشت للباب بخطوات كلها خوف من رد فعل زياد كيف حتكون !! وكيف حتشوف لي بوها بعد الغلطة الي داراتها هلبا اسئلة!! فتحت باب الدار وكان مقابلها فالممر عمر عالارض وفوقه زياد ومؤيد عافس عليه لما نفتح الباب تلفت مؤيد للصوت وشاف ندى بالحالة هادي !!
مشى يجري ويشوف لي وجهة ! وشد ف ايدها كيف انه فيه كدمات علي ايديها واسود تحت عيونها وضربة في رقبتها زرقة !!
مؤيد..يشوف لي ندى ومش متحمل انه يشوفلها وبعصبية : شن درت لي اختي انتا وهجم علي عمر من جديد!! وكان ضربه المرة هادي انتقام الي داره لي اخته !
زياد..شاف لي حالة عمر كيف انه معنداش جهد يرفع ايده !! :مؤيد
مؤيد..شاف لي زياد وساكت
زياد: نزل معاي عمر
مؤيد: شن بدير
زياد؛ بنرفعوه معانا !
مؤيد رفع عمر من جهة وزياد من جهة !
حطوه فكوفن السيارة!!
زياد..حط ايديه ع وجهه ويبي يضرب ندى وشاد روحه !! خصوصا بعد ما شاف حالتها! : اركب جيبها بسرعة !
مؤيد:تمام
زياد..فتح تلفونه كان مدايره مقفل
واتصل بي بوه
بابا:ها شن صاار !!
زيادد..يبكي
بابا...بخوف ع ندى : صارلها شى اختك ؟؟!!
مختار..شد ف بابا : شن فيه يا خيري شن فيه
بابا:رد عليا يا ولد
زياد: ملحقتش سامحني ملحقتش
بابا: اختك حية ولا لا يا ولد
زياد:حية يا بوي حية لكن صارتلها حاجة ثانية
بابا؛ وين انتا توا نجيك !!
زياد:لالا جاي اني و ****** في سيارة جايبه معاي
بابا؛ متعطلش بسرعة !
زياد:تمام !!
سكر التلفون وانهار زياد وهوا يبكي !!
مؤيد..ركب للدار وشاف لي ندى الي كانت ف تركينة وخائفة
وشاف حالتها كيف حوايجها شبه امزقة كلهاا !!
حول جاكيته وحطه عليها وشاف كانت فيه عباية مرمية ع الارض قامها وغطاها بيها : هيا تعالي معاي !!
ندى..ساكتة ومبتش تتحرك من مكانها الخوف مسيطر عليها بشكل مش طبيعي لدرجة انه حتا التفكير مش قادرة تفكر زي الانسان الطبيعي ومن الألم! كانت تشوف في الي صاير عبارة عن هلوسات كانه مش واقع !!
مؤيد..نزل راسه وخنقاته العبرة :اسمعي متخافيش لا بوك لا زياد يقدرو يمسوك ! مقدرتش نحميك مرة المرة الثانية حنوقف زي الجبل قدامهم الانسان يغلط ! مفيش حد ميغلطش ف هيا ننزلو بسرعة منعرفوش شن يصير !
ندى..بدت تتحرك معا مؤيد
مؤيد..لما شافها تمشي ببطاء بسبب الالم الي هيا فيه
قامها في حضنه ونزل بيها الدروج وكان كل ما ينزل درجة بسبب الاهتزاز وهيا في حضنه كانت تتالم !!
مؤيد..فتح باب السيارة الخلفي وقعمز الخلف وهيا معاه
زياد..شاف من المراية ومتحملش رفع المراية فوق ! مش ميشوفش الخلف !
ولع السيارة وطلع
وكانت طول الطريق سكوت
كان مؤيد يمسح في شعر ندى الي كانت شبهه فاقدة وعيها !
أنت تقرأ
اميرتي
Mystery / Thriller#اميرتي المقدمة شفت حقد شفت كره شفت حاجات فسدت مستقبلي مش يومي مستقبلي ادمر اكثر المخلوقات الخطيرة علي وجه الارض البشر ! وخصوصا الي ما في قلبهم رحمه! توصل للخطف توصل للقتل توصل للغدر واكثر واكثر ظلم وخبث وكذب ونفاق في وسط قصة حب مش فاهمة وم...
