اميرتي

حلقة 3

#اميرتي

حلقة ( 3 )

بقلم محمد مالك ⭐🔥

لايك قبل ما تقراء ❤
قراةء ممتعة للكل 🖤

________________

رن شوية ورد عمر

عمر: قررتي ؟! ياريت تكوني قررتي ومن غير نقاش لو سمحتي
ندى: ايه قررت خلاص نبي نهرب...
عمر: مش حتندمي كوني متاكدة غدوا الظهر نتصل بيك ونتفاهمو توا ليل استريحي وريحي روحك ومتفكريش بقرارك انه غلط قرارك صح ولما تولي مرتي حيتقبلوك اهلك لانهم اهلك فالاخير ومفيش حد يتخلا علي بنته تصبحي علي خير يا حب حياتي
ندى:تصبح ع خير

سكر المكالمة وحطيت الفون قدامي
وشفت لي يدي كانت ترعش
الليلة مرت عليا زي النار واني نفكر لن طلع الضئ مش رقدت
واني نفكر بقراري صح ؟! غلط ؟!
بس خلاص فات الاوآن نشوف فيه واخترت قراري ! ومعاش فيه رجعه من الموضوع

فقت ثاني يوم
وتفاهمت معا عمر
انه فالليل حيجي واني حنطلعله وثاني يوم حنمشو لشيخ يعرفه ونتزوجو وقالي بيناتك كلها حنجيبها من صاحبي يعرفه اول ما نعطيه اسمك حيطلع بياناتك من المنظومة عنده ورقمي الوطني وكل شئ عليا ! يعني البلاد ماشيه بالمعارف بيانات شخصية مفروض متطلعش بس الواسطة معروفة ف ليبيا

______________

كنت فاتحه الفون ونتصفح : سامي
مردش عليا عرفت انه لوطا عند اهله
وسيت روحي وسكرت الباب ونزلت لوطا

لقيت مرت احمد ومرت خالد لوطا
سلمت عليهم وسلمت علي (ام سامي)

( ام سامي ) :اهلين اهلين وين سامي
اميرة:مهناش فوق نحسابه لوطا
ام سامي:شفته نزل شكله طلع معناها
اميرة:غريبة مقالش
ام سامي :مرات فالشارع يهدرز
اميرة: مرات
ام سامي: اطلع شوف عمك البرا ولا لا
مروان ( ولد احمد ) : حاضر اميمة

وطلع يجري
وشوية ورجع

مروان:ايه فالشارع معا علاء
ام سامي: يا غبارتي شن يدير معاه هاده
اميرة..انخلعت:ومن يكون هاده ؟!
ام سامي :هاده واحد مش كويس يبيع فالحرام عنده خيمة

اني طول تفكرت الفيديو ! بعدين تفكرت كلام سامي ليا وتفكرت وعده وزعما حيدخن العفن ثاني ! هلبا اسئلة في راسي ! وكنت نستنا فيه يجي

بعد نص ساعة جا سامي وخش

سامي : امتا نزلتي ؟!
أميرة :بعد ما طلعت انتا بشوية
سامي: ايه تمام
ام سامي: شن كنت ادير معاه علاء ااه
سامي: خيرك يا امي ولد شارعنا راه وقف عليا هدرز شوية ومشى علي حاله
ام سامي:ربي يحفظك يا وليدي تبعد عليه اي حد حيضرك تبعد من عليه اهم شئ انتا وتوا تجوزت وان شاء الله نشوفو صغارك يعني درت عيلة فكر بيهم قبل
سامي:من غير ما توصى يا غالية
ام سامي : ربي يحفظك يارب
اميرة:اني بنركب تمام
سامي: تمام لاحقك نشوف بوي وراكب
اميرة:تمام