نوفيلا انثي خلف الظلال

الجزء الأول

احيانا نضع مبدا العداله والخير في مقدمه واحيانا يكون الشر حليفنا ولكن لاختيار طريقك عليك اختبار نزاهتك وما تبليه هو ذاك الذي يحدد طريقك اما الحرب واما السلام

في كليه الشرطه تقف تلك الفتاه في الباحه تحت اشاعه الشمس الحارقة عقابا لما فعلته وقفت تلعن ذاك الغبي في سرها فنزل اليها ذاك المدرب الشاب الذي يبلغ 30 سنه وهو بعيون رماديه وشعر اسود وبشره برونزيه تتناسب مع وظيفته

الشاب بسخريه: ها يا تماره هتعتزري ولا لا

تمارا بقوه: انا مغلطتش يا فندم هو اللي بدا وان كان في نظر حضرتك انك لو هددتني بالعقاب هخاف واعتزر انا اهون عليا اقف الف يوم ولا اعتزر علي غلط معملتهوش

صخر بغيظ: عنيده طالعه لمين مش عارف

تمارا بسخريه : طالعه للعميد اسماعيل هكون لمين.

صخر: انتي مفيش منك فايده خليكي هنا بقي والعقاب دا مستمر لاسبوع واحد بس

تمارا باندهاش مزيف: اووه يال كرم اخلاقك

صخر بتحدي: اسبوعين

تمارا: ولا يهمني يا صوب ياشا

صخر وهو يعطي ظهره لها: تلات اسابيع وممنوعه من الاجازه الاسبوع دا

تمارا بفزع: لا الا الاجازه متهزرش يا صخر

صخر بصرامه: اسمي الرائد صخر الحديدي يا تمارا فاهمه

تمارا: حاضر بس الاجازه لا عشان خاطري

صخر: كلمتي مبتتغيرش وتركها في وسط حفل سبابها به وغادر
🙏🙏🙏🙏🙏🙏🙏
في جهاز المخابرات المصرية

جلال الدين وهو يرمي الملف علي المكتب: اتفضل يا سيدي نفس القضيه بنفس التفاصيل

إسماعيل: انا مبقتش عارف القضيه تتحل ازاي ازاي مفيش ولا دليل بجد بدات اشك في جمله ان مفيش جريمه كامله

جلال: اكيد هنلاقي حل ونحل القضيه ونقفلها للابد

اسماعيل بغموض: اكيد
🙏🙏🙏🙏🙏🙏🙏

في الكليه

كايلا: ما تيجي يا فجر نروح لتمارا شويه

فجر بمرح: يلا اهو نونسها في عقوبتها فذهبا الفتاتان اليها لمكان الاحتجاز

تمارا: اهلا بالهوانم

فجر: ياعني يا بنتي اسمرتي اوي

تمارا: دا لسه اليوم التالت فاضل تلات اسابيع

فجر وكايلا في نفس الوقت: تلات اسابيع ليه هما مش كانوا اسبوع واحد بس

تمارا بمراوغه: اهو نشاط ما انتي عارفه اني بحب الانشطه

كايلا: انشطه قصدك العقاب يا بنتي دا انتي في سنه تالته واتعاقبتي 17 مره دا انتي هتدخلي موسوعه جينيس في العقاب