نوفيلا انثي خلف الظلال

الجزء السابع

تمارا بشرود: دا هو

صخر: هو مين

تمارا: ييقولي ابعد عن القضيه وانك تبعد والا هتتأذي فهم صخر ما تتحدث عنه ولكنه استغرب بشده فلا احد غيرهما واسماعيل يعرف ان تمارا هي من تحقق في القضيه

صخر: مكالمته دي بتثبت ان احنا ماشيين صح

تمارا: المكان اللي هيتنفذ فيه العمليه الجايه هيبقي فين فتح صخر الخريطه ثم جلس يتبع الرموز حتي اشار الي منطقه في مطروح اسمها سيدي براني

تمارا: بس ازاي هنعرف انهي مكان بالظبط يعني اكيد المنطقه دي كبيره هندور ازاي واحنا لا نعرف البنت اللي هتتخطف ولا المكان بالظبط

صخر بغموض: انا عندي الحل

تمارا: ايه هو

صخر : مش وقته انا هروح اعمل حاجه تتأكل تاكلي معايا

تمارا: لا صراحه اكل امبارح كابس علي معدتي

صخر بقرف: لازم يكبس دا كفايه ريحته استغفر الله شبه الكلب الميت

تمارا: ياض متأفورش دا حلو بس هو كده عشان تقيل بس المهم انا هروح اصحي القتيله اللي فوق واتجهت للاعلي ولكنها ادارت ظهرها ثم سالته: صحيح مشوفتش بابا من امبارح اصلي مشوفتوش انا كمان

صخر: اه قال عنده شغل كتير في المكتب هيخلصه ويجي بس شكله نام في المكتب

تمارا وهي تهز راسها: اه اوكي ثم صعدت للاعلي بينما نظر لها هو بغموض وذهب للمطبخ
---------***---------
بينما في منزل يظهر عليه الفخامه كان يجلس علي الكرسي ويمسك في يده هاتفه وهو يبتسم ثم قام وارتدي ملابسه ثم سمع طرق علي الباب فذهب ليفتحه وجد

نيره: كده يعني يبقي بيت اختك موجود وتعد في شقه لوحدك احتضنها مهاب ثم ادخلها وهو يقول

مهاب: وحشتيني يا نيرو

نيره: لو وحشتك كنت جيب مش تتصل تقولي انا جيت امبارح هو انا مش اختك ولا ايه

مهاب: محبتش اتقل عليكي وكمان انتي عارفه المشاكل اللي بيني وبين جوزك بلاها

نيره: مش اشكال المهم عرفت جوز خالتك انك جاي

مهاب بغموض: اه وهي عرفت

نيره بحماس: وعملت ايه شوفتها او روحتلها

مهاب: لا طبعا انتي مجنونه مستحيل او ما اجي اشوفها لازم اخطط براحه بس لولا الغبيه اللي انقذتها زمان كان زماني متجوزها بس مش اشكال هي مش هتكون لحد غيري

نيره بابتسامه خبث: وكل اللي فيه هيبقي ملكك وحدك

مهاب: قصدك ملكنا

نيره: لا انا مش عايزه حاجه كفايه عليا فلوس نادر

مهاب بضحك: صح دا انتي اخدتي الجمل بما حمل بس دا لو عرف ماضيكي الاسود هيكره يبص في وشك