#حكاياتنا
الحلقه :العاشره والاخيره
بقلم :فاطمه سالم الورفلي&صفاء احمد
.........................
..........
ونزلو رونق واخت مصطفى... وركبت رونق لاورا واخت مصطفى القدام... وطول الطريق مصطفى يشوف لي رونق من المرايا... و رونق عقلها مش معاها... وشوي ودرست السياره ونزلو وخشو المحل واول ما خشو للمحل رونق طول عيونها على عادل...
مصطفى :السلام عليكم
عادل رفع راسه مبتسم :وعليكم الس.."شاف لرونق نصدم وتغيرت ملامح وجهه وكمل بأستغراب" الســلام 😐
مصطفى برفعه حاجب :احم لو سمحت نبي خواتم خطوبه
عادل كيف المسبوه يشوف لرونق وخلاص...
مصطفى :ايوه هيي ياباشا!
عادل فطن لروحه:ها اا نعم!
مصطفى طارتله:عيونك هنا ياغالي وطلعلي خواتم الخطوبه!
عادل تخزرط :حاضر حاضر هي هي "ومد ايده بتوتر لطاوله وحط الطواقم على الطاوله وهو متفركس "
عادل شاف لي اخت مصطفى ومصطفى :كم الارقام لي تبوها
رونق بخبث :37 يا استاد
عادل شافلها مستغرب :ها اا اما نوع
رونق ابتسمت وتنهدت.. شافت للبوكس واول خاتم جي على عينها كبير ويلمع زهى في عينها وخداته... وقعدت تلبس فيه وتشوف لي عادل مصدوم ومش قادر يتكلم..
مصطفى :شنو تمام ؟
رونق :اي كويس
مصطفى :اوك .. طيني طاقم الرجالي!
عادل خاش في بعضه.. وطلع طاقم الرجالي ويشبح لي رونق من تحت لتحت...
مصطفى :احمم عطيني خاتم هدا ياخيي وحطهلي في البوكيه مع بعض
عادل :حاضر
"بلع ريقه وحط الخواتم في البوكيه وكل ما يرفع راسه يبي يشوف لي رونق يلقى مصطفى يشوفله ومفنص... وخلصوه وطلعو لسياره "
في السياره 🍃
اخت مصطفى:ذوقك حلو حلوو يا رونق
رونق ابتسمت :تسلمي هدا من دوقك
....
ودرس السياره مصطفى ونزل على محل مواد غدائيه...
اخت مصطفى التفتت لرونق :اسمعي بالله بنسألك
رونق :نعم تفضلي؟
اخت مصطفى:ما حسيتيش بي صاحب المحل يزربز وعيونه كل شوي عليك!
رونق :مني!... صاحب المحل معقوله!
اخت مصطفى:اي الحق هكي ركزت عليه
رونق توترت :مش عارفه يتهيالك بلكي!
اخت مصطفى برفعه حاجب:حتى اني استغربت... انتي تعرفيه!
أنت تقرأ
حكاياتنا
Romanceروايه فيها عدة قصص كوميديه ودرامية ❤تحكي على ام واربعه بنات بدون اب... ح نحكو كيف ح يتعايشو مع الواقع المرير تابعونا❤
