#حكاياتنا
بقلم :فاطمه سالم الورفلي &صفاء احمد
الحلقه :الاولى 🍃
...........................
.........
فـي حي شعبي وبسيط.... زي ايي اشخاص بسطاء... يلتمو مع بعض في المناسبات وحتى بدون مناسبات... يفرحو ويودو لبعض ويمشو لبعض في الاعياد....... "ولكن يبقى السؤال .. هل حياتهم عاديه او يتظاهرو بطريقه هدي...." خلينا نشوفو حكايه حوش هنيه وبناتها.... ومرات تبدا حكايـات مش بس حكايه...
هند صكرت الروشن :اخخ مش عارفه كيف بنسيبو الشعبيه هدي!... عشنا وكبرنا فيها... والجيران لايدين بينا
هنيه تخيط في قفطان :اشبح عاد كيف بيدير فينا بوك... عاد ست الحسن بحدانا ساكنه... ستر الله باقي وخلاص
رونق تقلب في القنوات التلفزيون :يام تي مش كان نمشو لطرابلس خير غادي في المدينه
هنيه ضحكت بهزوه: لواه لواه الحوش هداكا قاعدين نقمطو فيه من عمرك ولتوا ما كملش!... وتبينا نسكنو في طرابلس غادي... ومن بينا غادي يا خايبه!
رونق تأففت: تعبت وحق ربي تعبت .... اسمعي يام بنمشي اني لحوش جيرانا... ابتسام مبكري اتصلت بيا
هنيه :اممم كان تاخدي كلامي وجابت فيك امك... تمشي اطيحي خوها بشير يا حنه متخرج من كندا وعنده حوش غادي قالو بيزوجوه وبيسافر غادي... واختك فرح حتى هي تتزوج خوه التاني عمر مهندس عاد من كيفه... لكن الله غالب ما هناك وحده تنفع ....ما غر تلقن من حوش لحوش على فاضي
رونق جت جنب هنيه :تي توا يا هنيوه مش عيب عليك.... عاد اني بنيتك طالعتلك!😂.... غر قوليلي قوليلي توا هو كم مواليده!
هنيه طرمت شواربها :اشبح قالو بقولي مواليد التسعين... وكان تاخدي كلامي تمشي توا اطيبي طوجين باسطي وترفعيه... "شبحت لرونق وهزت راسها بهزوه وكملت "... لكن عاد خودلك من يفهم
رونق ابتسمت :وشن رايك نديرها
هنيه فرحت :وفيش تراجي!... هي فييسع فيسع تحركي من مكانك
............
وبالفعل رونق طيبت باسطي وفتلكاته... وزيناته بالمربى... وسلفراته بالسلفر...
هنيه :عدي توا بدلي دبشك وديري طشه مكياج في زومتك.... رايحه باهته مع بعضك
رونق عصبت :ماما عاد تو جمال هدا كله ومش عاجبك!
هنيه برفعه حاجب :لواه لواه لي يسمعك تقول ما كيف زولك حد.... تي نوضي ديري ثمرة لعمرك نوضي
.......
..........
وناضت رونق معصبه... دارت بودره وروج... ولبست بلوزه رصاصيه و وشاح وردي وسروال اسود.... وخديت الطاجين...
فرح:نبي نمشي حتى اني 🙄
رونق :وااااك باهي هيا سقدي روحك
نمارق :بشويه عليها باااهي... تعالي فرح تو نديرلك اني مكياج
......
وبالفـعل مشت فرح ونمارق للدار... وما هي الا شوي وطلعت فرح طارحه بالجني ومتكمه الشغل عاد 😂.. و طلعنا من الحوش... ومشينا لحوش ابتسام... طقطقنا على الباب وفتحتلنا ابتسام
أنت تقرأ
حكاياتنا
Romansaروايه فيها عدة قصص كوميديه ودرامية ❤تحكي على ام واربعه بنات بدون اب... ح نحكو كيف ح يتعايشو مع الواقع المرير تابعونا❤
