حكاياتنا

حلقه السادسه

#حكاياتنا
الحلقه :السادسه
بقلم :فاطمه سالم الورفلي &صفاء احمد
..........................
............
عند فرح :
تلم في شنطتها وتفكر... وماشيه في طريقها طالعه من الفصل وهووب تنخبط في حاجه لين راسها وجعها... حطت ايدها على راسها تتحسس في مكان الضربه... ورفعت عيونها فوق ولقت محمدد🙄

فرح عقدت حواجبها :اخخخ تقول فولاذ مش بني ادم😕

محمد ضحك :قولي ماشاء الله اللطف... ساهله ساهله ما غر انتي زبيده بس 😂

فرح عصبت :زبيده عينك

محمد تنحنح برفعه حاجب:بااهيي... شن امورك انتي وخطيبك

فرح :شن بيكون يعني!... دراه مش عارفه ليش وافقت بس

محمد نصدم وفرح في نفس وقت :همم وليش ما ترفضيشي!.... بما انك في البدايه

فرح تأففت: امي مش ح توافق طبعا شايفاته عريس لقطه "سكتت شوي وشبحتله ".... وبعدين ليش نحكيلك اني!. . وليش تسأل اصلا؟

محمد بضحكه :همم بااه وكان قتلك عندي ليك حل

فرح برفعه حاجب:واللي هو!

محمد ابتسم :اممم انتي ارفضي بس وماعليكش في الباقي وكان قتلك امك شي قوليلها في عريس جايني ونبيه

فرح قعدت ساكته شوي وتفكر وقالت :اممم باه ومن هو العريس ان شاء الله!

محمد كشر وجهه :ومن بيكون يعني!

فرح قعدت تشبحله لثواني وشهقت :ان شاء الله انت؟

محمد اضايق من ردة فعلها : كان هو عاجبك!

فرح بلعت ريقها بصدمه.. ومش قادره تستوعب الموقف... ومشت خطوتين وقالت :مش لهدرجه عاد!

محمد :لا انتي زودتيها!... شن نفهم منك يعني ماتبينيش؟

فرح تلخبطت :لا قصدي قصدي مش هكي اني ماهو...

محمد قطع عليها :خلاص خلاص خلااص تربحي خلاص.... " شبح لليسار وتنهد وكمل "... عندك وقتك وفكري وردي عليا سلام

..........
...
ومشي محمد وقعدت فرح تشوفله لعند اختفى من قدامها... تنهدت قعدت تمشي وتتذكر في الموقف.. لين روحت...

.......
..............
عند هند :
هند طبست راسها وتحشمت وقالت :ان شاء الله حاضر ... " استغربت شوي وقالت ".. بس كيف عرفت اسمي!

صاحب محل ابتسم وقال :الصراحه... ما صادفتنيش الصدفه لي نقدر نصارحك فيها... بس توا ح نقولك

هند قعدت تشوفله وفرحانه وتستنى فيه ينطق...

صاحب المحل:احمم اني اسمي حسن مواليد ال84 ومتخرج من التمريض... ممرض وفي نفس الوقت نخدم في اعمال حرة... والحق نبيك ورايدك بالحلال بس نبي الموافقه منك وبنتقدم على طول