حكاياتنا

حلقه تانيه

#حكاياتنا

بقلم :صفاء احمد &فاطمه سالم الورفلي....
.......
الحلقة (الثانية )

هنية..... كيف ياناجية قصدك مش مولين 💔
ناجية ......🌚 وين بيولوا بالله في الشك حتى يجوا يسلموا عليا وهم جاين لطرابلس بعد يلي صار
هنية .......😑 فيها خيره
ناجية ....... هههههه قالولي خودي منها السروال
هنية .......😒 هالسروال يلي داروا عليه عرس خوديه اهو مداته ليها وخشت 💔 ماصارش منهم
نمارق ...... عارفه وحق ربي حضي الزفت
رونق ...... انى بنوض نوتي روحي
فرح ..... وين ماشية
هنية ...... بنمشوا للعيادة يلي مقابلتنا
هند ...... من منكم مريضة ؟
هنية ....... ماحد قسم النساء يتعبه والدكتوره تعطل يبى للمغرب باش تفضى نمشوا نهدرزو ونقعمزوا توا نلقوا وحده ادور
فرح .....😨 لا انتم بجد خلاص عليكم وصلت لهنى
هند ...... اسكتي انتِ قداش سلبيه الزفت ، نمشي معاكم
رونق ...... طارحه وطالعه من الدار 😌😉 امي رافعتنى انى الطعم لما يحصل في الصناره توا نجيبوه
نمارق ...... ربي يعاونكم
هنية ...... مش عاجبكم وله لمن ندير في هذا كله انى 😒 وناضت

~~~~~~~~~~~~~~~~~~~~~~~~~~~~~

#ثاني_يوم

هنية ......😍😍 ان شاء الله ان شاءالله تم خلاص تفضلوا تأنسوا وتنوروا
هند ....... جت تجري قولي عريس 🥺
هنية ......😍 عريس وليك ياحنه
هند ....... فُرجت 💃🏻
نمارق ....... وين لقتوه
هنية ....... وحده من النسوين في العيادة قالت كان عندك بنية كبيره عندنا خال راجلي مرته متوفيه ويدور في مراة
هند .......😑 مرته متوفية
هنية ....... اي وعنده خمسة صغار
هند ........😨 لالا شن خمسة صغار شمل ولبس لالا فكينى
هنية ....... صكري فمك وخيره حتى ترباية اليتيم فيها الاجر
نمارق ....... هههههه من امته ادوري في الاجر ؟؟؟
هنية ....... اسمعي بابنت انتِ ويها ويها ويها حتى انتم
فرح ورونق .... طلعوا من الدار
هنية ...... كان مش نهاية عشرين عشرين 2020 تزوجتوا ومشيتوا لحياش رجالتكم بنرفعكم لمركز الحجر ونقول فيهم كورونا 🦠 ومعادش تردوهملي اما الحوش هذا ماعاد قعديلي فيه 😤
هند .......😩 لبست وجهزت روحها وثاني يوم جو زوز نسوين وحده كبيره ووحده صغيره ضيفوهم وقعمزوا
الكبيرة .... انى عفاف مرت خوه المره هذه جينا حنى بس لو تفاهمنا يجي هو وتتفاهموا
هنية ......😍 ان شاء الله ان شاءالله
الصغيرة ...... وانى بدور بنته الصغيره موليد الالفين
هند ......😨 موليد كم ؟؟؟؟
بدور ...... الالفين اثنين وثلاثة صفار 2000😌
هنية ...... بعلعت ريقها وتفنص في هند
هند ......🤦🏻‍♀️ وانى يلي مش عاجبنى الشمالات والحليب
بدور ....... ماما توفت من سنتين وحنى ندورا لبابا ولتوا ماحصلناش
هنية ...... بلا مؤاخده منكم مدام انتِ الصغيره الكبار كم اعمارهم 🌚
بدور ...... مدورناش كلهم متزوجين وانى مخطوبة 😌 وختيبى يبى العرس قريب وانى نبي نتهنى على بابا قبل
هند ......😒 لا حقك 💔
بدور ....... بابا فيه السكر لهذا يبي اهتمام وهكي
هند .....😳 تشوف لامها
هنية ...... وعادي السكر حتى الدكاتره يقولوا انه صديق الانسان
هند .......😑 يما ؟؟؟؟ من وين هالمعلومات
هنية....... تفنص
هند ....... بالله كم عمره بوك 70 ؟؟؟؟؟
بدور ....... ههههههه مش للدرجه هذه عاد
هنية ...... ارتاحت
بدور .......69 بس ههههه
هند ........😳😳😳
هنية ........ 😳
بدور ......... وخل نقول حاجه ثانيه اعتقد بابا معادش عنده قدره باش يمارس حياة زوجية طبيعية 🌚
هنية ......😤 املاه علاش بياخدها بيعلقها دندوشة ؟؟؟
هند ...... وقفت غالطه حبيبتى مركز التمريض مش هنى امشي اطلبي وحده من غادي وخلصها كل شهر تبوا ممرضه بالبلاش وخدت طاسة العصير من عفاف توكلوا ياسر
عفاف ...... الكلام اخد وعطا
هنية ....... توكلي خير من نجيبلك السكر حتى انتِ قال مايقدرش قال 🤦🏻‍♀️ رضينا بالهم والهم مارضاش بينا