حكاياتنا

حلقه تالته

#حكاياتنا

بقلم :صفاء احمد &فاطمه سالم الورفلي....
.......
الحلقة (الثالثة)

فرح :صباح الخير
البنات : صباح النور
فرح :خيركم فايقات من توا ؟؟؟
هند : بنموت فضول زعما امته يتصلوا اهل عريسك
فرح :😒 خلاص وله عريسي !!!! فاضية حتى انتِ.....انى بنطلع عندي محاضره وين نمارق ؟؟؟
رونق :نمارق طلعت للعمل
فرح :معناها انى نطلع قبل ماتجي ماما سلام وطلعت بسرعة ، نمشي في الشارع تلامحت واحد زعما هو نفسه ؟؟؟......اي والله الا هو متع التصليح يلي غالط في الحوش امس
محمد قرل و وقف جنبها:يااستاذه
فرح شبحتله :نعم !
محمد : ابتسم انتِ نفسك فرح يلي امس وله متغيره بالمحرمه وبلا مكياج
فرح قرنت حواجبها: 😒 محرمه ؟.....حرمت عليك عيشتك من مازال يقول فيها
محمد :😤 لمى لسانك هيا مانبيش نغلط فيك
فرح : لا اغلط بالله اغلط 😒
محمد : فاضي حتى انى "وجي بيمشي"
فرح : هي اسمع🙄 ....انت يا محمد 😒
محمد تلفت مبتسم: علاش من الاول ماتقوليش اسمي 😉 عارف انك مذكرتيه
فرح : طبعا بنذكرك ماهو انت وهو نفس الاسم 🙂
محمد ركز فيها وتكلم بجديه: شن صار معاه ؟
فرح :من هو ؟
محمد :يلي خشمة في السمي امس ومش معدل على حد
فرح .......🧐 لا رد
محمد : تي متع مقابلة امس
فرح :اها محمد قصدك 😏 امورنا تمام
محمد تغيرت ملامحة: بجديات ؟؟
فرح :اي
محمد : باهي ربي يكمل على خير " وتلفت بيمشي"
فرح : تاني مره بتمشي بدون ماتقول علاش جيت اصلا
محمد : اها ااا ...نسيت دخاني وولعتي عندكم امس
فرح :😒 مصح وجهك جاي على خاطر باكوا دخان ؟؟؟
محمد : تحسابيه رخيص توا الباكوا ، اغلا من الروج يلي حاطيه
فرح :🤨 مصح وجهك مش حاطه روج اصلا
محمد :😏 حاطه حاطه ومشي
فرح مسحت فمها في وشحاها: والله ما حاطه حاجه 😒 فرخ....فاضيه حتى انى نضيع في وقتي معاه

~~~~~~~~~~~~~~~~~~~~~~~~~~~~~

هنية : الكيكة واتية ؟؟؟؟
هند :اي....وين بنمشوا ؟
رونق :🥴 لمركز تصوير الجوازات
هند : علاش!.....درنا حنى جوازت....واصلا تقولي علينا نازلين من طياره راكبين في ثانيه
هنية :طول عمرك غبية كيف بتتزوجي انتِ 🤷🏻‍♀️.....توا الزحمة والناس متكدسة وين ياطبور مصرف يا عالجوازات نمشوا حنى غادي وان شاء الله نلقوا نصيبكم المره هذه
هند :🙂 يااااااارب هيا......."ناضت جهزت روحها وامها دارت الكيكة في حافظه وطلعوا هم الثلاثه 💪🏻"

~~~~~~~~~~~~~~~~~~~~~~~~~~~~~~

نمارق :مليت من الارقام ودراه عالكبد اليوم كله وحنى مقعمزين وراء هالطاولات
سميرة :شن نقول انى يلي بطني قدامي واجازه مابوش يعطوهالي
نمارق :عندك الحق
سيف :😎 السلام عليكم
نمارق وسميرة ......🤤
سيف حول النظارات: انى يلي بنركب الرواشن الجدد انى صاحب محل البي في سي يلي اتفقوا معاه جاي و بناخد القياسات
نمارق :😍 اي تفضل اكيد ....
سيف :لو بنزعجوكم اطلعوا وخودوا قهوة لين نكملوا
سميرة: لالا مرتاحين هكي
سيف : تمام نجيب العده ونجي
نمارق :اوك ولو تبي ايي شي تفضل تلقاني اهني
سيف ابتسم :صحيتي يا... اا الاسم الكريم؟
نمارق بادلاته الابتسامه :اسمي نمارق
سيف :تشرفنا اني سيف كم مره نجي هنا و كل مره حاجه يطلبوا فيا نديرها لكن ما صدفتنيش صدفه ليك وعموما تشرفنا
نمارق :اهلا وسهلا
.........
سيف طلع ونمارق قعدت مبتسمه وتراقب فيه بعيونها لعند طلع من الباب...
...
سميرة الفتت لنمارق: بتجيبوا الرجالة الحلوه دي منين ؟ 😍
نمارق :هههههه عطك البلا مش متزوجة انتِ!
سميرة :😭 توا هذا راجل ويلي معاي في الحوش راجل قصدي.....متاكده انهم نفس الصنف!
نمارق : ههههههه والله تقول هارب من فيلم بوليود😍