حكاياتنا

حلقه تامنه

#حكاياتنا

بقلم :صفاء احمد &فاطمه سالم الورفلي....
.......
الحلقة (الثامنة )

هند ...... الزفت ماخفك
صاحب المحل ..... سمعهم ضحك وكمل
رونق ....... خربتي ام البرستيج وسمعتيه 😒 وطلعوا
هنية....... معجبوهاش الاسعار روحوا
هند ....... انى بنخطم ناخد حلويات
هنية.......🌚 عارفاتك حتى انى قتلك هنى روحك وفكينا منه
هند ........ لا والله حتى انى بنفوته بناخد حلويات لغدوة بس
نمارق ...... شدت في يد امها ومشت بيها خلها تبي تغيضه 🥺
هنية...... عبرج البنوت ماتعطليش ومشت
فرح ........ توا نخش معاك وخشوا يلفوا في المحل
حسن ......😳 هند !
هند...... السلام عليكم 😒
حسن ...... وعليكم السلام ، اهلين كيف حالك شن اخبارك ؟ شهر معادش شفتك !
هند ....... ماردتش عليه ، اشرت على نوع حلو نبي من هذا وهذا كل واحد منهم 20 طرف
حسن ....... هند علاش هضم ؟ جايكم حد ؟
فرح ...... تبعدت شوية
هند ..... شافتله بثقه اي جاينى عريس 😌 وعارفه حلوياتك تهبل قلت ناخدله منك
حسن ...... طلع من وراء الطاولة 😳 هند بتوافقي عليه ؟
هند ...... كانه كويس علاش لا
حسن ........ اسمعي هند انتِ فهمتينى يومها غلط انى صح بنقولك انه كيف ترضي امك ادير هكي بس ماكنتش بنسيبك
هند .......🤨 ومن يلي قال امي رفضت
حسن ...... امي عطت رايها في وقتها وخلاص بس مستحيل توقف ضد قراري في الاخير
هند ....... وهذا وين طلع الكلام هذا كله ؟ والا هند مركونه عالرف امته ماتجي تلقها !
حسن ....... والله ماصارت ، اسمعي توا ارفضي يلي جاي وانى نتفاهم مع امي ونجي 🥺
هند ....... مش عارفه انتِ جرحتنى بكلامك يومها 💔
حسن ...... شد يدها 🥺 هند !!!!!
فرح ....... شن صار
هند ...... سحبت يدها هيا نروحوا
حسن ...... سكت قدام فرح

هند ....... طالعة شاده ضحكتها بالسيف 😍 قال بيجي
فرح ...... الله
هند ...... قالي .....

"وروحو قبل جعفر ودارو رواحهم لا خشوا لا طلعو... وشوي وجي جعفر "

~~~~~~~~~~~~~~~~~~~~~~~~~~~

جعفر ...... ينزل في البضاعة ويفكر كم سنه ماجبتش هذا كله للحوش 💔 كيف دارين يشروا وينزلوا ويجيبوا
هنية ....... خلي عليك توا انادي عالبنات ينزلوا
جعفر .....  قعمز عالدروج
نمارق ....... طلعت الشاهي بالزغوة لبوها وامها مع كعك مالح
جعفر ...... صحيتى يابنتي 🥺
نمارق ...... بدت تدخل في البضاعة مع رونق
جعفر ....... خدي كعكه هذا شارتيه
هنية ....... لالا زمان ديما تحب الكعك المالح هند قاعده تذكر امي دارت حافظه دستها
جعفر ......💔
هنية........ قتلك ؟
جعفر ....... شن ؟
هنية......... كان نكملوا هالحوش يلي قعد فاتح فمه الحوش هذا خلاص عليه حوش بوك وامك كل شتي نجيبوا حد يصلح ومافيش فايده بنى قديم
جعفر ........ اي صح
هنية....... عندي ذهيبات نبيعهم ونلقطوا بالشوية
جعفر ....... لالا لا تبيعي ذهبك ولا شيء انى توا نتصرف ونكمله قبل الشتاء الجاي
هنية........ من وين ليك انت عارفه .....
جعفر ...... طبطب على يدها ساهل مدوريش انى خل انوض نمشي غادي نشوف وضع الحوش ونقول لعبد الرحمن يبدا يدور عمال وناخد البضاعة الناقصة
هنية.......🤩 خلاص ربي يعاونك املاه
جعفر ....... هيا في امان الله وطلع وهو في داخله حزن عالوضع يلي واصله مع بناته