حكاياتنا

حلقه خامسه

#حكاياتنا
الحلقه :الخامسه
بقلم :فاطمه سالم الورفلي &صفاء احمد
..........................
.........

نمارق خديت القهوة وخشت وهي رأسها لوطا : السلام عليكم
سيف :😳 نماااارق !!!!!!
نمارق "سمعت صوته شافت فوق لقت سيف قدام عيونها "
سيف :😨 ك كك كيف انى مفهمتش ؟ يعنى انتِ نفس البنت ؟؟؟
نمارق 😳🥺حطت القهوة عالطاولة: سيف خلي نفهمك انى ....
سيف ضحك بهزوه هه :، خل نفهمك انى. انتِ وحده كذابه و...
نمارق : والله ماهكي القصة
سيف :هكي ونص وعشرة......تي تكذبي في العمل بالك تجيبينى للطريق وفي نفس الوقت اديري في مقابلات وجوك مليح !!!؟؟ ......نى اصلا غبي يلي صدقت مراة..."زفر ووقف وقال "...كلمي العيلة قوليلهم يطلعوا
نمارق :😢 دمعتها نزلت ، خل نشرحلك ؟
سيف ....... "قدم ليها خطوات" :تعرفي علاش جاي ومقرر نرفض ، باش نخطبك انتِ
نمارق دمعت عينها: سيف !!!
سيف زفر وقال:قصدي نخطب يلي كذبت عليا في المكتب...."وتلفت بيطلع "
نمارق : 💔 أسالني علاش كذبت عليك عالاقل
سيف : لانك تافهه وتبي تتزوجي وخلاص مش مهم من هو ! ..."رجع قرب منها وقعد يفصل فيها بعيونه"......تعرفي علاش منحبش النظرة والا شن اسم امها هذه 😤 ...."صكر يده بغضب"....لانك طالعة ل 100 واحد هكي ومكحل فيك ومفصلك وانتِ تقولي حلال عادي وطلع
نمارق "😭قعدت تبكي وطلعت للمطبخ "
هند :😳 خيرك
رونق :شن فيه ؟
نمارق تبكي :قال لهله هيا قوليلهم 💔.."ومشت للحمام "...
............
.......

هنية :اللطف علاش هكي فيسع فيسع وهي تمدلهم في عباياتهم هههههه ..." وهي تبيهم يروحوا قبل مايعرفوا انها مش نفسها فرح😂 "...
ام سيف : مره ثانيه ان شاء الله ، هيا بالسلامة
...." وطلعت وصكرت هنيه الباب وخشـت فرحانه "

هنية:😍 وينها شن صار
هند :💔 تبكي في الحمام
هنية : خير بلاها😳
فرح فتحت الباب وخشت :😒 قعدت نستنى تحت التوته الزفت لين روحوا
نمارق " طلعت عيونها حمر 💔"
هنية:خيرك شن صار شن قالك ؟
نمارق :😢 طلع نفسه الولد نعرفه من المكتب " ...وشافت لهند"....هو سيف وانى يومها وين هدرز قدامي وقال النظرة الشرعية وكيف مش مقتنع بيها 😢 وكيف هازي عالبنات يلي يديروا فيها قلتله عندك الحق
هنية:😒 قصة في لسانك وانتِ شن جابك لهذا كله
هند :خلاص يما واضحه في كل الاحوال كان مش ح يصير منه مدام مش عاجبه النظره الشرعية ويبى يحب ويدير علاقة 😒💔
فرح : طز فيه خلاص فوتيه
هنية :احححح وخلاص نلمها من جيهة تتبزع من جيهة خل نمشي نصلي المغرب
فرح ..... "رن تلفونها فتحت"... :الو
محمد :ايوا !
فرح : من معاي ؟
محمد : انى محمد 🙄
فرح : شن نسيت المره هذه ؟؟
محمد :شن بننسى خيرك انتِ!
فرح 😳" نهااري حي عليا وين عقلي هذا اكيد مش هو هذا محمد خطيبي 💔"...ايوه ....الو ، لا مش عليك على اختى كانت بتطلع وترجع
محمد : امممم على العموم هذا رقمي خديت رقمك من اختى وقلت نكلمك نتعرفوا على بعض شوية
فرح : اي ياريت 😒
محمد : والله انى مش فاضي ديما ماتبديش زي البنات الخفاف يلي 24 ساعه ترن وتبعت في رسايل......وخطيبي خطيبي مانحبش الجو هذا انى 😒 خل نتصلوا في وقت معين مرتين في الاسبوع لمدة نص ساعة نهدرزو فيهم وخلاص
فرح بهزوه :ومن بيحاسب على المشروب ؟
محمد :كيف ؟
فرح ......"مصدومة وساكته...عقدت حواجبها وقالت بعصبيه" ،تي من قالك بنتصل اصلا!
محمد :نعرف انى
فرح :😤 ماتخافش مش ح نتصل بكل
محمد :تمام توا نتصل انى لما يناسبنى هيا سلام توا..."وصكر"...
فرح :😤 الحيوان عنجد بموعد ونص ساعة شن يحساب روحه هدا!