لبوة اسد (مكتمله)

البارت الثاني

السلام عليكم
.
اجه اخوي علي هو وابن عمي وصار حجي رجعت للبيت واني ارجف رحت لامي ضليت افتر يمها هي كاعده

رقيه: يمه اريد اكلج شيء

امي: كولي

رقيه:بس يمه الضغط اخاف يصعد عندج

امي:احجي ولج شصاير

رقيه: يمه يمكن جلال بالسجن لان بره جاي يسولفون

بعد ماكلت لأمي هيج وكفت وركضت لباب الشارع ضلت وره الباب تسمع وطلع سمعي صدك جلال ماخذينه للتوقيف ضلت امي تخرط بوجها وتلطم ركضنه الها جبناهه بالمطبخ لان هو بمقدمة البيت بعد الاستقبال كعدت بالكاع وتبجي وتلطم دخل ابوي وعمي كلوله ماكو شيء

امي: ولك يمه جلال راح منييي ولك يمه ابنيييي الًيَوُمًِ بالسجن

وهي تبجي وتحجي واحنه كلنا نبجي وياهه بعدين صارت الساعة 11 اجه خالي وكعد ابوي يسولف

ابوي: من فتنا للنفوس خلصنه كلشي وبقه بس نستلم البطاقة الموحدة راح على ابو الحاسبه طلعها غير صوره مو صورة جلال بالموحده اجو الجيش خلوني اني جلال بالوسط وافترو علينه ضلو يسئلون طلع البصوره اياد (خالي) بدون مندري رايح مسوي موحدة اخذو جلال بغرفه واني بغرفة حققو وياي وطلعوني بقه جلال جوه يمهم للعصر وطلع اخذو من يمي اديه مكلبچه ويباوع عليه وجه الوان وعيونه مغوركات بالدموع اخذو واني رجعت مشي لان مابجيبي فلوس

ابوي يحجي واحنه كاعدين ونبجي رغم اخواني هاملينه وميذكرونه بس يبقه اخوي وهو هذا خصوصا جلال كلش اني وياه يعني من يجي بالليل قبل وبعد مازوج اسويله عشه ضلينه على هاي الحالة لاندري وين اخوي ولانعرف عنه خبر امي تعاركت ويه خالي كللها سبوع ميبقه وجابلها ضابط يسوي تزوير كللها هو شلون يروح ومن هالحجي ذب الصوج بجلال امي نخاف عليها لان عدها جلطه وضغطها مينزل حاولنه بكل وسيلة نخفف عنها الى سبوعين وجلا منعرف اي شيء عنه الى عن ابن عم ابوي ماخذ خالتي يعرف ضابط اتوسط النه يمه وعرفنه بيا مغفر وخلونه اتصال واحد وياه

علي:  الووو هلا خويه جلال شلونك اخبارك

جلال: هلا علي الحمدالله انتم شلونكم

علي: كلنا زينين بيك شيء ضربوك

جلال: لا لا ماكو شيء بس اريد فلوس وملابس

علي:  دلل باجر يمك

جلال:يلا سلمنه يردون الجهاز

علي:الله وياك ديربالك على نفسك

سد الخط علي ضلينه نبجي لان جان فاتح سبيكر ضلينه على هاي الحالة شهر ونص واني سبوعين مااكل بس على المي الى ان طلعناه بكفالة ثنين موضفين وكل واحد راد مليونين وافقنه لان نريد بس يطلع جلال مرته ثاني يوم اخذت ملابسها واطفالها وراحت لهلها لحد ماطلع جلال من السجن حتى مريض طلع بعدها خالي اخذ مرته وشرد هو سافر لتركيا تهريب ومرت عد اهلها قبل سنه سمعنا ماخذها وياه هم تزوير

بعدها جلال عزل لان عمي مارضه ينطي بنته الا يعزل  بيها مشت الايام
.
24 / 4 يمكن هذا اتعس يوم مر عليه بحياتي كلها چنه اني وماما صايمين لان شعبان بكل سنه اني وامي هيج قبل هالتاريخ بيوم اجتي ندى من المدرسة سلمت وبدلت تقريباً الساعه 5

امي:يمة ندى سوينه شربت نومي بصره للفطور

ندى: هسه يمة راح اسوي

ندى من عادتها تفور النومي بصره على النار بعدها تخلطه بالخلاط وبعدين تخففه وتحليه فهي فورته وخلته بالخلاط وهو حار وقتها دورت على قبق الخلاط ملكته خلت ماعون وسط وشغلته الماعون ما سد الخلاط زين طفر عليها واحتركت ايدها وجها وركبتها وطفر بعيونها ضلت تصرخ امي اجتها تمسحه عنها عشر دقايق وهي تبجي تكول نعميت فلوس ماعدنه ناخذها للصيدليه شويه واجت مرت علي كالت عِندي خمسة الاف خلي ناخذها امي كلتلها روحي انتي وياهه لبسن وراحن اني وكفت بالمطبخ اكل خياره ضليت اتخيل بزونه سريعه تفوت من يمي استغفرت الله وكلت شنو السالفه اجن ندى ومرت علي خطيه ملفلفه اجت مضمدها الها اني وهي غرفة وحدنا بذاك الوقت التلفزيون باقي على قناة لان الريمونت عطل لذلك بقه على قناة افلام رعب نشوف بليل فلم او ثنين فهي خطيه متكدر تنام من وجع الحرگ راحت يم امي وابوي تنام بالاستقبال واني ضليت وحدي بالغرفه قبلها بايام تحلمت شيء اسود طويل اجاني بس ندى كعدتني وفزيت من الخوف ......
.
.
.
.
يتبع....

البارت الجاي يخبل والله 🖤
.
انتضروني 🖤