لبوة اسد (مكتمله)

البارت الاول

السلام عليكم

اعرفكم عن نفسي عن عائلتي

اني اسمي رقية عمري 19 سنه امي عمرها 40 وابوي 50  عندي اخت زينب اكبر وحده مزوجه غريب عمرها 39 سنه وراهه اخوي علي عمره 35 مزوج بت خالتي عمرها 24 سنه وراه اخوي جلال عمره 30 مزوج بت عمي عن حب عمرها هم 30 يشتغلون محل حلاقه بس جلال بالجيش وبطل وهسه منتضر العوده حتى يرجع  وراهه اختي ندى. عمرها 20 سنه وراها اني وراي نور الزهراء عمرها 11 سنه احنه عايشين بالتجاوز ابوي رجال كاسب اخواني زوجهم وهم صغار وكلمن التها بعيشته بقينه اني وندى ونور وماما وبابا حياتنه جبناها ضيم بضيم واذا على الفقر مو عيب بس العيب اليعيش على تعب غيره بس احنه امي علمتنه نسوي مكانيس وليف وخبز وروبه كلشي اشتغلنه الشغلات الي بالبيت في سبيل نجيب لگمه حلال ومانغضب رب العالمين.
.
.
اخوي علي بعده مامزوج اشتغل بلعلوه حمال مخضر لمله كم فلس واشتره ستوته بده يشتغل بيها بالمشروبات الغازيه يوزع علـّۓ. المحلات چان يشتغل ويجيب فلوس ويخليهم ومايكول هاجن هاي كل وحده خمسه الها كلنا ميخالف جنه كاعدين ايجار شلنا كعدنه يم بيت ابن عم ابويه عدهم مزرعه وجان عدهم بيت طين كعدنه بيه بالصيف حاره وبگ وبالشتاء يخر علينه ونفيض كعدنه بيه لان الايجار رخيص مانكدر ندفع غالي جانو اذا اتأخرنه بالايجار يجون يصيحون فرغو البيت ضلينه بيه 4 سنوات اخر شيء اجه عمي كال فرغو البيت اريد اكعد بيه احتارينه ماكو بيت وماعدنه ضلينه ندور وندعي الله نلكي بساع لان حيل كامو يلحون علينه حتى اخر مره دز رساله لاخوي ( عمي شيلو طالبينه بطلابه)  طلعنه يوم عصريه اني وامي ضلينه ندور بيت لكينه قطع بالتجاوز بس زراعي اخذنه قطعه 300 متر بـ3 مليون بنينه علـى السريع غرفتين كعدنه بالبيت لٱ كاع زينه ولا سكف زين بس الحمدلله على كل حال ضلينه تقريباً سنتين على هاي الحاله ابوي بده يُشَتغلً بالبلديه عامل نضافه ضلينه على راتب ابوي كل شهر وشغل اخواني كملنه البيت بس السكف جينكو والشتاء يخر علينه بحيث نضل محتارين بيوم المطر وين انام وراهه كدرنا نلبخ البيت محد ساعدنه من عمامي او خوالي جدي انطاهم كلهم ورث بس ابوي مانطاه ومع ذلك ماشلنا حقد وكلنا الله موجود مادام الصحه والعافيه موجوده مانحتاج لاحد صرت صف اول متوسط واختي ثاني كثرت طلباتنه كون بنات وشبينه واحتياجاتنه زادت جنه من نكول لأمي يمه اريد هيج تكول ميخالف نسكت لان مانلح عليهم لان نعرف الضروف بس من نشوف البنات يلبسن وياكلن واحنه بالمدرسه يوم اكو وعشره ماعدنه خمسمسه المصرف ربع نشري بيه وربع نضمه ضلينه على هاي الحاله الى صف ثالث متوسط انتقالت لمدرسه بغير منطقه ونمشي هواي وراه نصعد سياره ياله نوصلها كملت الثالث بعد معانات كون ماعدنه والتدريس مو كلش زين بمدارسنه ماعندي ادخل خصوصي او ملازم سنتين رسبت بس فقط درس 3 ادوار وماانجح بيه اخر سنه كالولي هاي الفرصه الاخيره ترسبين تبطلين بعد ذبيت جهدي كله بالدراسه صرت انام ساعتين بس باليوم وبسبب هذا الشيء هواي عانيت وي اهلي لان صرت احسهم يفرقون بيني وبين خواتي دائما عبارة(انتي مامنج فايده) متروح من بالي واي شيء اسوي مايعجبهم اتمرض ماحجي اريد شيء اضل ساكته لان ماعدهم حتى يجبولي ملابس المدرسه نبقه سنتين لحد ميصغرن علينه ياله نشتري اجت الايام وراحت الايام اجه خالي جان مسافر خارج العراق هو مزوج ثنين ومطلكهن والثالثه عنده ولد اسمه كيان وخالي اياد ومرته زهراء اجانه كال لاخوي جلال اريد مستمسكات اسوي بيهن جواز