السلام عليكم
خلي ناخذها بكلي الله يكدر يعالجها اخذوني لهذا الرجال. جلال و ابوي و امي و اني اول مادخلنه كان يمة ولد و مره كعدنه لحد ماخلصو سولفوله اهلي على الصار من اول ما كعدت للحظه الجابوني بيها ضل يحجي وياي وايات وشربني مي بس للظهر اني مافاطره بعدني صايمه بس الشيخ كلهم فطروها حتى تشرب مي ارتاحيت شويه ورجعت شغل قران
الشيخ: تطلع منها
رقية: لا ما اطلع
ضل يحجي وياه مافاد بعدين طلع ملحد ضلينه تقريباً 3 ساعات ارتاحيت كالي الشيخ' هذا هو بويه كلشي مابيج ضل يلومني و يحجي عليه علمود افلام الرعب و الصلاة ما ملتزمه بيها رجعنا للبيت فتت تكرمونن للحمام اباوع البطني منفوخه تقريباً نص متر خفت بس كلت لا مابيها شيء طلعت من الحمام اجو اخواتي و مرت اخوي و اخوي علي يسلمون عليه و يتحمدولي بالسلامه جاي اغسل بأديه سديت البوري و التفتت شعري طويل و مسويته گصيبه ويما التفتت شعري اجه على صدري كضيته اريد ارجعه لظهري رفعته و باوعت عليه وصرخت رجعو عليه يركضون لزمني جلال
جلال: رقية حبيبتي شبيج
رقية: جلاللللللل شعررررري ابيضضض جلالللل وخررررره كصههههه اخااااف
جلال: لاتخافين مابيه شيء هذا لونه مو ابيض والله
رقية: وخررر الجذاب يالله هذا (استغفر الله)
بعد ماجه جلال رجعت حالتي مثل الاول و اتنفس بصعوبه رجعو اتصلو علـّۓ. الشيخ حاجاه علي ڱڵـه. رجعت مثل الاول ڱله انطينياهه خله التلفون يم اذاني
الشيخ: ها ولك ليش رجعت
رقية: ههههه اني الثاني راح ذاك كتلك احنه اربعه اطلع واحد يدخل الثاني
الشيخ: ولك لا تجذب و الله انت نفسك بس انت جذااب
رقية: لاتكول جذاب
رجع اخذ الجهاز اخوي من اذاني وكله الشيخ جيبوها
رجو اخذوني و هالمره جرب اشياء وياي غير شربني مي ابيض بيه ريحة ثوم تكتل لكن مافاد الى ان جاب قلم و ضل يزرف بظهري و جفوف اديه و جفوف رجليه و حتى حرك اصابع رجليه بالجداحة واني بس اصرخ و حتى ربط رجليه الى ان كتله -راح اطلع يمك النبگة- جان اكو باب الشارع مال بيت الشيخ شجرة السدر هاي الساعة بالوحده باليل وكفت يم النبكه و اباوع لحظات و تخربطت وكعت ضليت متمدده ثواني بالطين بعدين الشيخ كال العلي جيبها اني ماكدر اكوم وعلي ميكدر يشيلني حظني من فوك وجرني ورجليه يسحلن بالكاع فتحت عيني شفت امي كاعده بره على كرويته مخلينها بره و تبجي دخلني علي كعدني هدئت شوي وحسيت رجعت بس جسمي كله يوجعني بحيث اصبعي ماكدر اشيله اول ماوعيت على روحي لكيت نفسي نازعة الشارع جواريبي منزوعات -اريد امي- صاحو امي اول ما اجت و كعدت يمي حضنتها وبجيت بعدين كاللهم الشيخ بيتكم شيلو منه الى ان انظفه ترجعون اله و من تشيلون راح انطيكم مي تغسلون بيه الغراض و الملابس كلهن خابرو على علي كلوله تَعال مرتك مدري شبيها تبجي وتخاف ومدري شتحجي
علي: يلا امشينه
رقية: اخاف اروح هذا اشوفه يم الباب منتضر
الشيخ: خليها اليوم هنا يم ام علي (ام علي مرت الشيخ)
علي: هذا هو لعد روح
راح علي بقينه اني و امي صدك نسيت اكلكم اول مارحت منا جانت اكو لوحه مخليها بيها سبع اسماء ملوك مال جن صالحين كلي' اقري اسماءهم وشوفي منو تحتاجيه' قريت الاسماء اختاريت ملك والباقي ضليت اسولف وياهم حتى واحد منهم كلي انتي صرتي بتي ضحكت اني يعني الطيبه الشايليها تخبل الملك الاختاريته دخل بيه الصبح بس طلع الضوه علينه كتلها يلا ام جلال(امي)- خلي نروح- الشيخ خطية راح نام لان لصلاة الصبح هو كاعد ويانه طلعنه اني و امي اني مكتوب على وجهي ايات قرانيه واحرف القران لذلك ياهو افوت من يمة يباوع عليه رجعنه بس مو لبيتنه رجعنه لبيت جلال لان بيتنه ماكدر اطبله امشي كوه لان رجليه من جوه مزرفه و اصابيعي مطككه من الحرك كالو بـ 9 ناخذج للنجف لان الشيخ كلهم اخذوها فتت اول مادخلت لكيت مرت اخوي علي متخبله ومخبله الي بالبيت كلهم كتلهم- شكو- كالولي' مرت علي هم دخل بيها' تعاركنه اني وياهه بالكلام بس مو اني احجي يحجي هذا الملك من الجن الاختاريته وهي تكفر اهلي من شافو هيج صعدوني فوك بالطابق الثاني و صعد وياي جلال كتله- تعال شكو شنو هاي جاي تكفر وايمانها ضعيف- كلي ' والله من البارحه باليل حتى ماخلتنه انام و حتي مرتي مخوفتها ' التفتت لمرت جلال تبجي وترجف درت وجهي بسرعه كتلها- اختي بلازحمه لبسي شيء على راسج خلي اساعدكم- جلال و مرته و اختي ندى انصدمو -يابه لتخافون اني فلان من الملوك مال ابو علي - لبست مرت جلال شال كتلها- شبيج تبجين - كالتلي' مرت علي هيج و هيج كلتلي' كتلها -انتي ناخيه.......
.
.
.
.
يتبع....
ان شاء الله. البارت الجاي الاخير 🕊️💕
أنت تقرأ
لبوة اسد (مكتمله)
Historia Cortaالميضوك الجرح ليعاتب الليل ليل بلا جرح مابيه عتب يسوه . . . قصتنا اليوُم مختلفه القصة عن بنيه بعمر الورد من يوم الجابتها امها لساعتها حياتها مو مثل كل بنيه كون حالتهم صعبه ...... . . القصة حقيقيه وصاحبة موجوده اتمنى تعجبكم . عدد البارتات سبعة بقل...
