لبوة اسد (مكتمله)

البارت الرابع

السلام عليكم

رقية: اكلك الجذاب هذول منو

جلال:  هذا ابوي وهاي امي وهاي اختي وهذا اخوي وهاي مرت اخوي جلال يعدد واني ولا كاني اعرف واحد منهم التفتت لاختي ندى كتلها -هههه حركناج- ندى ضلت مصدومه نوب باوعت لامي -هاي شبيها تبجي-

جلال: مابيها شيء هيج
بوب باوعت لمرت اخوي كتلها عندج قروده (اقصد جهال) كالت اي وضحكت رجعت باوعت لاختي الصغير كتلها -شسمج انتي-

نور: اسمي نور الزهراء
كتلها- ايعععع شنو هذا اسمج- ردت عليه
نور: احلا من اسمك
صرخت بيها -ولج- اهلي خافو عليها
جلال: يبوووو شيخ معليك بيها
سئلته بعدها اكلك -شنو هذني- جان بوقتها الدنيا قبلها بيومين ماطره والسكف يخر علينه لذلك مخلين جدوره على مكان الي يخر منه
جلال: هاي البيت يخر علينه ومخليهن
باوعت عليه وضحكت صارت الساعة بـ8. كالو ياخذوني للسيد كتلهم-عوفوني اريد اطلع اني رايح رايح وماخذها وياي وهذا اليضحك عليكم خلي يفدكم-راح اخوي جلال جاب سياره واني لبسوني وكلساع احجي-انتم كل عقلكم تخلصوني مني -
طلعوني من البيت سحل ششوف كدامي اجلب بيه اخذوني جلال و علي و امي وصلنه لسيد حسن كالو بعده ماجاي كعدنه بالطرمه ننتضر و امي يمي و اكو ناس كاعدين مسافه عنا و اني اضحك وابجي و احجي ويه جلال وهو يراددني كتله-تسكت لاخلي جماعتي ياذونك-

جلال: متكدرون مابيكم خيرر

رقيه: انجب جذاب شنو مانكدر

جلال: اي لو بيك خيرر جان ماستقويت على البنيه تعال صير بيه اني وعوفها زين اسئلك سؤال

امي: لا لا معليك بيه هذا
من هيج حجت امي  باوعت كدامي كتلهم- لا لا عوفوه-

جلال: ويامن تحجي

رقية: ويه جماعتي رادو يجونك بس اني ماخليتهم

جلال: هسه اسئل لو لا

رقية: اسئل بس لادوخني هواي تحجي

جلال: ليش اجيت لرقية ليش هي بالذات

رقية: لان هي فاهية وبس تضحك وماعده شيء موزين واني اريدها

جلال: بس خطيه وهي بعدها بنيه زين ماعدك خوات

رقية: الجذاب هواي لحيت مو خطيه كتلك الًيَوُمًِ اخذها واروح واني ماعدي اهل

جلال: طالع من فطر الكاع

رقية: نجببب معليك كافي دوختني يلا گوم خلي نروح

جلال كال خلي اطلع بره ادخن جكاره صاح علي يمي علي جان من نوع المتعصب لذلك من اباوع عليه يخزر بيه اخاف حاولت ماابين بس الضاهر انتبه الي اجه كعد بصفي

علي: انت وين عايش

رقية: معليك انت

علي: باله باوع عليه
رفعت راسي بعد معاناة وياه هو كونه مسيطر عليه من باوعت بعيونه هو راح خلاني اني احجي بس جسمي خدران وماكدر حتى اطلع الكلمة بجيت -يمة حباابه تعبني وعلي ماكدر بعد-

امي:  سوده بوجهي ييمة اني شلون خليتج تروحين تنامين وحدج واني كلبي حسني راح يصيرلج شيء

رقية: يمة راح اموت يمة عليج الله من يجي لتخليني انام او اغمض عيوني يمة ياذيني
رفعت راسي اباوع على الناس الكاعده كلها تباوع الي البعض بنضرة استفهام البعض بالشفقة حسيت بوكتها صدك شكد تافهة اني نفضحت بين الناس عيوني بدون مادري يصبن وحدهن يعني بيوم وليله هيج اني تخبلت معقوله -اني نتهيت- هاي الكلمة حجيتها وغمضت عيوني.......
.
.
.
.
يتبع......