لبوة اسد (مكتمله)

البارت الثالث

السلام عليكم

كعدتني وفزيت من الخوف

ندى: رقيه شبيج اسم الله

رقيه: مابيه شيء عادي تحلمت

ندى: شتحلمتي

رقية:  بيش الساعة هسه

ندى: بـ 2

رقية: اعععع ارجع انام الصبح اسولفلج

ندى:  خوش
نمت من ذاك الوقت لهذا اليوم اني احلم هالاحلام ماعرف شنو قصتها بيوم احتركت ندى فرشت ونمت بالغرفة وحدي صارت الساعة بـ 3 كعدتني امي اسوي سحور حتى نصوم كعدت خليت چاي على النار وكعدت انتضر شويه وشفت القنينه خلصانه والنار طافيه

رقية: يمة القنينه خلصانة

امي: جيبي القوري الكهربائي  مال بيت اخوج علي

رقية: خوش

رحت دكيت الباب مال غرفتهم سمعت مرت علي تكول

مرت علي : منوو

رقية: اني اريد القوري الكهربائي مخلصين غاز واريد اسوي سحور

جابته الي ونطتنياه سويت چاي وخلصت السحور اخذت الصينيه ورحت للاستقبال نسحر اني وامي شغلت التلفزيون علمود اسمع الاذان اكلنا وكملنا اذن بوقتها حتى مابيه حيل اصلي اريد بس انام لفيت راسي ونمت تحلمت حلم وهالحلم غير كلشي تحلمت مثل الرجال بس طويل وضخم ولابس عبايه سوده وجهة هيكل عضمي اول شي خنكني ماعرف ماكدرت اتحرك يمكن بهل لحظه فكرت روحي جاي تطلع فتحت عيوني بصعوبه واصيح -ولج يمةة لحكيلي يمةة ندى تعالو- بس الظاهر كله بالحلم مديت ايدي على فراش ندى احاول اكعدها حتى تكعدني بس ندى بوقتها نامت بالاستقبال احس بروحي طلعت خلاص كل ماجت على بالي بهذيج اللحظه كلمة -ياعلي- وهاي عادتي استعين بيه فزيت راساً كعدت بس بعدني مختنكه حسيت واحد وكفخني على وجهي رجعت تمددت من الضربه بعدها كعدت والظاهر طلع كله حلم كعدت بصدمة وكفت جسمي ورجليه يرجفن رحت للاستقبال لكيت ابوي يبدل يريد يطلع للشغل عنده ستوته باوعت لكيت ندى كاعده بدون ماحجي كلمة بجيت ورجعت للغرفه لان اباوع محد مهتملي صاحت عليه ندى

ندى: رقية تعاي شبيج

ابوي: شبيها

ندى:  يمكن متحلمه وبجت

اجه ابوي للغرفه كلي تعاي نامي بفراشي اني راح اطلع للشغل ماجاوبته لاني ماعرفه غطيت نفسي ولميت رجليه لصدري وبجيت اجه رفع الغطه ولزمني م̷ـــِْن ايدي كمت وياه رحت لفراشه نمت وغطاني  بدون ولاكله احجي فزت امي وكالت شبيها بهل لحظة شهكت

امي: يمة بتي تعاي يمي هنا بفراشي

هم مجاوبتها ماعرفها اجتي كومتني وجابتني لفراشها كعدت اريد اتمدد وصرخت اه بكل قوتي وبجيت امي بدت تقره ايات عليه بس ماكو فايده ابجي دقيقه ودقيقه اموت من الضحك وبديت اصرخ -ولجججج يمةةةةة مووو. اصيححححح عليجججج ولجججج يمةةةة اجووووني خنكووووني - اختي ندى ركضت لاخوي علي صاحته اجو يركضون هو ومرته بحيث اليطب يشوفني مدري يبجي عليه مدري ينصدم الساعة 5 الصبح للـ 7:30 اني اصرخ ومن ابجي احجي -ولج يمةة اجوني وخنكوني ليش صختج متجيني يمةةةةةةة- رجعت ضحكت واحجي-هايي شنووو شبيها تبجي هايه وخرووو اريد اطلع اريد اروح - امي لازمتني من ايدي وتنخه الله واهل البيت واني اضحك عليها اكلها -انتي مخبله رقية الي راح اخذها وخرري خلي اطلع- ومن ارجع ابجي -يمةة دخيلج خلي يعوفني يمةةة تعبني يمةةة كليلله لايكتب على الحايططط يمةةة لحددد يكتبببب- امي تحجي وياي وتبجي ركضت نور الزهراء تصيح اخوي جلال اجه اخوي جلال بسرعه

جلال: رقية خويه شبيج
سئلني واني نتفضت وصرخت عليه- ياااارقية ماكو رقية هنااا وخروووو اريددد اطلع- جابو القران وجبروني اقره م̷ـــِْن قريت رجعت ابجي ودموعي طيح على الورقه وماعفت ذكر الله واهل البيت اكول يالله ارتاح شويه وخرت عيوني من القران وباوعت الجلال وبجيت-جلال عليك الله خلصني راح يموتني جلال وراك جاي يرسمون على الحايط كللهم كافي اختي خطيه-

جلال: حبيبتي لاتخافين اقري قران واذكري الله واهل البيت وميسولج شيء

رقية: جلال والله يخنكني ماكدر
وصرخت بيه -ولك جذاااب عوووووفوها ماككووو رقيةةة متررررجع الكمممم احنه راح نروووح اليووووم منبقه عدكم- اني بجيت وكلت -ياعلي- رجعت صرختت -كلولهااااا لاتكوللللل اسمةةةة جاااااي اتعبنيييييي- ضلو اهلي يشجعوني على ذكرهم وقراءة المعوذات سكتت من الصريخ لكن ماسكتو عن الكتابة على الحايط او الرسم

بـ7:45 كالو ناخذها لسيد حسن الصافي بس بره اتفقو مو يمي اني هدئت شويه لكن شعري طويل ومكفش وجهي صوفر شفتي صارت بيضه اجه يمي جلال

جلال: هاا رقوو شلون صرتي

رقية: كتلك ماكو بعد اختك لَيش تخليني اذيها

جلال: لٱ لا لعد شكلك

رقية: شيخ

جلال:هههههه خوش شيخ

صرخت بيةة -ليش تضحك جذابب-

جلال: لا لا ماضحكت اكلك اني اريد اصير صديقك

رقيه: يلا لعد نكعد كعدت شيوخ

جلال: يلا

تربعت اني واخوي جلال هم تربع مثلي

رقية:.......
.
.
.
يتبع....

آحـب اكلكم انو الكلام مو مني الكلام من صاحبة القصة وحلفت وكالت الله على مااقول شهيد ماجاي اجذب واني هم سئلت اختها الاكبر والموضوع كله صح.
.