لبوة اسد (مكتمله)

البارت الخامس

السلام عليكم

غمضت عيوني اني وصيت امي متخليني اغمض ضلت اطبطب على خدي وتكلي رقية كعدي اسمعها تحجي وتكعد بيه بس ماعندي قوة و طاقه افتح عيوني شايفين الي يفوت بغيبوبه يسمع كلشي يصير بس ميكدر يحرك هاي حالتي صوت بداخلي -لاتفتحين عيونج ابقي مرتاحه- تشجعت وكلت يالله يامحمد ياعلي وفتحت عيوني بس رجع سيطر عليه تقريباً ساعة واجه السيد فات السيد من يمي ضحكت و التفتت لامي -هذا تردينه يطيبني- دخل السيد و يمكن اخوي جلال حاجه ابنه كله'حالتها صعبه' راح حاجه السيد كله جيبها كوموني جلال وعلي واحد بيسرتي والثاني بيمنتي وصلت يم الباب جسمي خدران ماكدر امشي خريت وكعت رجعو وكفوني و فوتوني كعدت كبال السيد كلهم 'مددو رجليها' اباوع عليه و اضحك هذا شيسوي باله التفتت الغرفة متروسه ناس دنكت يشهد الله ورسوله بهذيج اللحظه نضرت الناس الي متتفسر ماعرف شنو هاي الي تتهامس وي صاحبها و يباوعن عليه وهذا اليباوع عليه بصدمه رجعت باوعت للسيد ضحكت -انت شجاي تسوي- لازم وصلات ثنين بكبر جف ايده مربعات خلاهم على اصابع رجليه مو الكبار البصفهم ولوهم كل قوته ماحسيت بوجع بس لمن وخر اديه اذني كلش عبالي تكسرن رجع كلهم قدموها الي لان هو كاعد على كرسي علي و جلال قدموني عليه خله وحده من الوصل على راسي وخله ايده عليها وبده يقره بصوت ناصي و مو مفهوم و يدفع براسي كل شويه ضحكت و استغربت بس كل ضحكي يمه مال استهزاء كمل كلهم 'هاي شصاير بيها غير تجيبونها قبل هذا صار هواي بيها' كلوله ماندري اليوم وكعت علينه انطاني خل اسبح بيه وبخورات وكلهم العصر تزورنها الامام الكاظم وتجيبونها الي طلعنه بس طلعت الباب مالت الشارع ضحكت كتلهم- كل عقلكم الخل هذا يوخرني وبعدين منو هذا الكاظم ماروح وياكم احنه اليوم نروح منبقه-

جلال: اي اي بس لتضحك عيب منا شارع انت مو كلت ماريد احد يشوف شعرها

رقية: الجذاب شعجب حجيت شيء بيه خير

وصلنه للشارع العام اجرنه تكسي م̷ـــِْن صعدت التفتت وراي -ها اجيتو-

جلال: ياهمه

رقية:  اصدقائي 3 وياي

السايق اول مره مصدوم. بعدين كال 'شنو مضروبه'

علي:  والله اليوم كعدت بس تصرخ و هسه جبناهه للسيد تضحك علينه

السايق: اني عمتي هم هيج صار بيها وهسه هم شكد ساده راحت
ضحكت من كال هيج

جلال: ليش تضحك

رقية: باع هذا يريد عمته اطيب عمتك ميعوفها هذا وياهه للموت

جلال: اه يعني ميفيد

رقية:  ابد
سكتو شويه وضلو يحجون بيناتهم جلال كال اعرف صديقي يعرف واحد بالحله اخذها اله وصلنه للبيت نزلت و نزلت امي وياي جلال و علي ضلو يسولفون ويه السايق عفت امي ورحت امشي اريد اروح امي لزمتني من ايدي و تجر بيه بس اني اوخر بايدها- عوفيني خلي اروح وخري- صاحت امي 'جلال الحكني ماكدر اني- اجو يركضون و اني اجر بامي اريدها تهدني حتى اروح اجه جلال و علي يركضون لزموني وجروني للبيت بجيت -وخرووو بيتكم ماطبه وخرررو-
رحنه للبيت اول مافتت لزمت الباب- مافوت ماريدكم اريد اروح- شالوني جلال و علي و اني احرك باديه ورجليه حتى يهدوني خلوني بالگاع اكو يمي مصلايه كتلهم-شيلو هاي من يمي شنووو هااااي- اجت مرت علي شالتها كتلها- ها ام القروده-  بهل اثناء فاتت اختي المتزوجه زينب هي ورجلها وجهالها -هاي منين شعدج جايه- حجيت وياها هي باستني و بجت ورجلها سلم و فات

زينب: يمة رقية شصار شني السالفة

ندى: ياااا من الخمسه هي هيج زين هسه

زينب: ابو صالح المهدي يوكفلها
من حجت هيج ضحكت بصوت و باوعت عليها -هذا منين كلساع مطلعيلي واحد خلي يفيدج اني هذا ميفيدني- ابوي يقره يم راسي قران -انت الثاني دوختني تره انتم دوختوني كافي اسكت - هو ابوي ماسكت و ضل يقره قران رفعت ايدي جريت القران بس هو همزين لازمه حيل ردت اشمره لزم ايدي وخلاها جوه رجله

اجه جلال يمي كعد و امي حاضنتني و تبجي وكلها كاعده اصابع اديه كامن يتعوجن رجليه احس فوكاهم جبل

جلال: اكلك اريد رقية شويه

رقية: كتلك ماكو رقية بعد لتضل تلح

جلال: هااا لعد احنه مو اصدقاء

رقية: يلا خمس دقايق
من كلت هيج رجعت اني بس تعبانه كلش احس ميته -يمة رجليه واديه يوجعني ماكدر احركم- امي صاحت زينب تدلك رجليه الي

جلال: هاا رقو شني

رقية: جلال تعبت خلي ياخذني ماكدر متحسون انتم جاي حتى گلبي يوجعني و حتى فلوس ماعدنه

جلال: والله لو اعرف اليوم اجدي بس علمود اخذج و اخلصج مستعد اسويها
بجيت من شفت امي تبجي كل هذا اني سويته باهلي ماعرف شلون ياربي انت صاحب الامر ضليت احجي بيني وبين نفسي -يمةة لاتخليني انام او اغمض لان راح يجي-
رجع هو تعوجن اصابيعي غمضت عيوني ردت انام يكعدوني ماكدر اكعد بس اسمعهم مثل الاحارب بداخلي بين ثنين واحد كافر واحد مسلم ولمتعذب المسلم لان جسدي واعضائي بسيطرته. بس احاربه بكلمة ياالله يامحمد ياعلي ماحس اله عظه فتحت عيوني  باوعت لايدي حمره -هم جذاب و هم جلب- ضحك و كال 'حتى متنام' رجعت صرخت -كلولهاااا لاتذكررررهممممم جاااااي تعبنييييي- جلال كلي 'عفية ضلي رددي ذكريهم و المعوذات اقريهن ' للساعة 10:30 اني بس كاعده وهم وياي محتارين محد عنده فلوس ضلو محتارين شويه واجه خبر لاخوي راتب الرعاية الاجتماعيه طلع لاخوي جلال و علي وزوج اختي زينب بس اسم ابوي ماطالع راحو ستلمو الفلوس واجو دلوهم على رجال يعرف بهاي السوالف كالو خلي ناخذها بلكي الله يكدر......
.
.
.
.
يتبع...