رواية " لم يكن مجرد حلم " لــ زينب سمير

.. الخامس عشر .. ، .. الاخييير ..

لم يكن مجرد حلم :-

_ الفصل الخامس عشر _ ، _ الاخيــر _
_ لم يكن مجرد حلم ! _

_ ما بين عمرا ذهب ، وعمرا اتي ، حلقة كانت تفقده لذة العيش بسلام _

طرقات علي باب المنزل ايقظت نور الدين من نومه ، اتجه بفزع نحو خارج غرفته ، هبط دراجات السلم وتوجه لـ الباب ليفتحه لسراج الذي مع سرعته نسي ان يأتي بمفاتيح المنزل ، خلفه ظهرت نيرمين القلقة ايضا ونجوان ، فتح الباب فوجد سراج امامه ، ملامحه لا يمكن وصفها ، غاضبة ، تائهة ، بداخله بركان يوشك علي الاندلاع
لم يكاد يتحدث حتي دفعه سراج ودخل لـ المنزل ، اغلق الباب خلفه والتف لهم ، ينظر لهم جميعا ناطقا:-
_اية اللي حصل معايا من سنة ؟
هوي قلب نيرمين من الخوف ، فالتاريخ الذي يقصده هو الذي نشب فيه ذلك الحادث الشؤم ، توجهت بنظراتها بقلق نحو نور الدين ، الذي ابتلع ريقه بتوتر مرددا:-
_اية اللي حصل يعني ياسراج ! محصلش حاجة حياتك من يومها وهي بتمشي بنفس السيناريو
قال بعقل ملئ بالومضات التي قاربت علي ان تصيبه بالجنون:-
_لا ، في يوم حصلت في حاجة ، في يوم بسببه انا بحلم بكوابيس ، بسببه حياتي اختلفت واتغيرت عن زمان
نور الدين بنفي واهي:-
_مفيش حاجة حصلت ، انت بس من كتر ما بتحلم بالكابوس حسيته حقيقي
سراج بصياح:-
_انا شوفت صورة واحد انهاردة ، بعدها الحلم ظهر كله قدامي بوضوح
صمت ثم اكمل بأنهيار:-
_بس مش عايز اصدق ، مش قادر اصدق اني قتلت حد
نظر لـ نور الدين ، اقترب منه هاتفا برجاء:-
_قولي اني مقتلتش يانور ، قولي اني مش مجرم
رمقن بحزن ، الحقيقة تقترب علي الظهور ، لكنه سيفعل المستحيل كي لا تظهر ، ربت علي كتفه وهو يغمغم بخفوت:-
_انت مقتلتش ياسراج ، انت مستحيل تقتل لو كنت في وعيك
انهار سراج بقوة في البكاء ، سقط بدون ارادة منه علي الارض ، كذلك جلس بجواره نور الدين ، حاول ان يهديه لكن قطع تلك اللحظات صرخات نجوان الانهارية:-
_بطل كدب بقي ، حتي بعد ما قالك انا قتلت بتكدبه ، خلي عندك ضمير ودم ولو لمرة واعترف بالحقيقة يانور ، معقول مش حاسس بالذنب مش حاسس بتأنيب ضمير..!!
نظرت لسراج ناطقة بقوة:-
_سراج انت قتلت ، اليوم اللي غيرولك فيه العربية قبله هما داسوا علي روح حد من غير رحمة ، انت قتلته وهما داروا عليك ، سراج انت قاتل .. قاتل
نظر لها بزهول ، الصورة بدات كذلك توضح في عقله جيدا ، ساد الصمت الثقيل علي الجميع ، سراج عيونه متسعة بقوة وكل ما يجول في عقله فقط انه ... قاتل
يحمل ذنب احدهم علي كتفه ، اذن لهذا السبب يشعر بثقل علي اكتافه ، انه يحمل جرم روح ، فُقدت بسببه
نهض عن مكانه ، كاد يسقط بسبب اعصابه التالفة ، حاول نور الدين ان يساعده الا انه آبي ذلك
نهض نور الدين ايضا ، بقي ينظر له بصمت ، نظر له وسأله بجمود:-
_قدرت ازاي تخفي الجريمة ، قدرت ازاي تتخلص من العربية ، قدرت ازاي تنام وانت عارف ان اخوك قاتل ، عرفت تنام مع قاتل في بيت واحد كيف ؟
نور الدين:-
_انت مش قاتل
سىاج بصراخ:-
_لا قاتل ، قولي ازاي قدرت تتخلص من دا كله ، قولي كيف قدرت تداري علي اخوك
تنهد نور الدين بتعب ، ما اخفاه دوما حان وقت ظهوره الان ، خرج صوته اخيرا:-
_صاحب المحل بمكالمة واحدة عرفت تاريخيه وانه كلب فلوس ، كاميرته اللي صورت الفيديو خليته خدش فيها الفيديو علشان متبينش لا نوعها ولا ارقام لوحتها ، قولتله نخدش الفيديو بس منحذفهوش علشان محدش يشك ، وخليته يقول انها بايظة  ، بعت العربية بتاريخ قديم ، نوع العربية دا من شهر لو اتباع كنت هخسر عشرة الاف ، في وقت الحادثة لو اتباعت كنت هخسر خمسة ، الكسبان كدا صاحب المعرض لو بيعت بالقديم ، فوافق علطول