رغم وجود ناري لكن عيني سلمان لم تترك رنا التي رفضت وجود العارضات و قامت بطردهم شر طردة و الوحيدة التي نجت بعدما حاول والده تصحيح الخطأ وسط تعجب ابنه و استنكاره لما تفعله تلك المرأة التي تدعي قريبته
ترمقها و كأنها تتعرض للسلق و ربما الشواء حتي و نفس النظرة له دون سبب مقنع بينما هو يرفع حاجبه لها بعدم فهم لكل هذا العداء و الغضب منها
- سولي وحشتني
اقتربت صفراء الشعر و القلب من سلمان لتحتضنه لتصرخ حين جذبتها رنا من شعرها بعيدا عنه تلقي بها بعيدا ثم تقف أمامها و تنحني لها بشر و غضب
- بقولك ايه يا بيض شم النسيم أنت غورى من وشي لو لمحتك بس هنا....
لم تكمل كلامها حتي هرعت للمسكينة للخارج و هي تري رنا ترفع السكين نحوها بجنون بينما سلمان ينظر لها بذهول تام تلك المجنونة من تظن نفسها حتي
- ايه اللي عملتيه ده ؟؟؟!!!! هتموتيها يا مجنونة أنتي ؟؟؟!!!
نظرت له رنا بعدم اهتمام
- خلاص قول لصاحبك مفيش حاجة مؤنثة تعدي علي باب الأوضة
سلمان بغيظ و هو يراها تتحكم به تماما بكل شىء هو حتي لا يعرفها ؟؟؟!!!
- علي أساس أنت مين عشان تتحكمي في كل حاجة تخصني ؟؟؟!!! قريبتي و قلنا ماشي لكن تفتكري إن من حقك تقولي اعمل و متعملش لا و بعدين أنا عايز أنام اطلعي بره
لحسن الحظ قدوم شقيقها الذي أسرع لها و هو يراها تتحول علي ذاك المسكين النائم علي الفراش و خرج من العمليات لم يمض ثلاث أيام و يحتاج للراحة و ليس الغضب
- رنا حبيبتي هو فاقد الذاكرة و لسه خارج من عملية و الجبس راعي الرجل شوية و سبيه يرتاح و بعدين ما أنتي خرجتي الكل
رنا بغضب هامس و هي تشير له بيدها
- بيزعقلي الله يرحم اللي كنت بعمله فيه و يكش شبه الكتكوت دلوقتي عاملي ديك ؟؟؟!!!!
سعد و هو يجذب ذراعها و يحركها للخارج حتي يرحل معها
- نسيبه يرتاح زى ما الدكتور قال و عشان خاطري يخرج من هنا و بعدين اعملي اللي يعجبك مش هنقضي عمرنا في المستشفي يعني
كاد سلمان يتحدث معهما قبل أن يجد صديقه المقرب طارق يدخل و هو بنفس الوقت نائبه بالشركة فقد أتي لزيارته كثيرا سابقا و علي علم بزواجه و بعد تحيته لرنا و سعد و خروجهما
- ايه يا سلمان عاجبتك القعدة و لا ايه ؟؟؟!!! مش عايز ترجع شغلك ؟؟؟!!!
استند سلمان بظهره علي السرير
- أنا هغير نشاط الشركة عشان يبقي رجالي و عايزك تخلص من الموديل و كل اللي في المخازن مفيش مايوهات حريمي تاني
طارق بمكر لم يفهمه سلمان
- أيوه بقي يا سيدى ربنا يسهله بس تقعد تقولي محدش يأمرني و رجل حر طليق و كلام كتير و في الآخر طبيت يا كينج و بسرعة كمان
سلمان بتعجب من كلامه فهو لم يفهم
- مش فاهم و بعدين أنت قولت لرنا ليه يا مدام ؟؟؟!!؟ هي متجوزة و لو كده فين جوزها ؟؟؟!!!!!!
*********
بقول كفاية كده المستشفي و نرجع للحياة بتاع الأبطال بقي و لا نكمل مرض و تعب ؟؟؟!!!!
استمتعوا بالفصل
نراكم قريبا
😘😘😘
