ومن الحب ما قتل (مكتملة)

الفصل الاول

اولا الروايه دى قديمه و نشرتها على الفيس بوك من فتره و كمان كتباها من فتره كبيره جدا
ثانيا دى من اوائل محاولاتى للكتابه عشان كده ممكن تلاقو الاسلوب مختلف
ثالثا هى روايه قصيره لانها كانت ضمن مجموعه قصص قصيره متجمعه كلها باسم واحد لكن للاسف الهارد بتاعى اتحرق و ضاعت معاها باقى الروايات
رابعا و اخيرا عشان مطولش عليكم انا حنزلها كل يوم ما عدا الجمعه
قراءه ممتعه و متنسوش الڤوت و الكومنت
★★★★★☆☆☆☆☆☆★★★★★

تبدء الاحداث بفتاه ترتدي ثياب الجري و تقوم بوضع سماعات الاذن و تنزل من بيتها حامله زجاجه المياه و تقوم بالعدو

ينزل رجل الاعمال من منزله مسرعا حتي يلحق اجتماعه و يقود سيارته فى عجاله

و اثناء انشغاله بالتحدث علي الهاتف منزعجا من مشاكل العمل تحدث الحادثه
نعم يقوم بصدم شئ ما بقوه و يتحطم الزجاج الامامي لسيارته و يفرمل فجأه و ينزل من سيارته ليري ما الشئ الذي صدمه بتلك القوه

نعم لقد صدم الفتاه اثناء عدوها يجتمع الناس حولها مندهشين البعض يتصل بالاسعاف و البعض الاخر يتصل بالشرطه و يقف (حسان الراوى 40 سنه رجل اعمال صاحب شركه استيراد و تصدير و اعمال اخري )
حسان بفزع : ابعدو شويه يا جماعه ادوها مجال للنفس
احد الواقفين : دي مش بتتنفس

تصل سياره الاسعاف و تنقل الفتاه (جميله25سنه ) الي المشفي و يركب حسان معها عربه الاسعاف
تصل سياره الاسعاف و يتم نقلها الى غرفه الطوارئ و يقوم الطبيب باسعافها و حسان واقف امام الباب و هو قلق للغايه و لكن بعد فحصها تقوم بفتح عينها فيجري حسان مسرعا لغرفه الطوارئ
حسان بقلق: انت كويسه؟
تهز راسها بنعم و يقوم التمريض باخراجه خارج الغرفه
الممرضه:  من فضلك مينفعش كده
حسان:  انا بس عايز اطمن عليها
الممرضه:  الدكتور حيطلع يبلغك كل حاجه دلوقتى، بس من فضلك سيبنا نشوف شغلنا

يخرج الطبيب و يقوم بابلاغه عن الحاله كسر في القدم و قد تحتاج لعمليه من اجل تركيب بعض الشرائح بالاضافه الى ارتجاج بالمخ مع احتمال وجود نزيف داخلى

حسان : اعمل الازم يا دكتور و كل التكاليف عندي
الطبيب: ايوه هى لازم تفضل تحت الملاحظه 24 ساعه و لازم تفضل صاحيه على الاقل 12 ساعه لانه فى خطوره عليها لو نامت
حسان: انا حفضل جنبها و حتاكد من ده 
الطبيب : بس للاسف انا لازم ابلغ عن الحادثه
حسان : مفيش مشاكل كده كده اصلا الناس بلغت

و يقوم بالاتصال بالمحامي الخاص به ليبلغه بما حدث و في تلك الاثناء يأتي الظابط شريف كامل لعمل محضر بالواقعه و يقف لياخذ بعض اقوال حسان و يحكي له حسان الحادث و يسأل الظابط عن حال المريضه و هل ممكن اخذ اقوالها فيجيب الطبيب بنعم
يدخل الظابط شريف الي غرفه جميله و يسألها عن الحادث و عن اذا ما تريد ان تقدم شكوي ضد الشخص الذي صدمها فتقول
جميله :انا مش حشتكي
شريف متعجبا : ليه ده حقك تقدري تطلبي التعويض المناسب
جميله : حعمل ايه بالتعويض اكيد هو مكانش عايز يخبطني و غير كده مجراش و سابني اعتقد انه لحد دلوقتي موجود
حسان باصرار: ايوه طبعا و مش حمشي الا لما اطمن عليكي لكن لو انتى حابه تقدمي شكوي طبعا حقك
جميله : لا خلاص طالما عدت علي خير فالمسامح كريم
شريف : يا انسه اللي فهمته من الدكتور انك حتركبي شرائح و حتحتاجي فتره علاج طبيعي و ممكن تتسبب بعاهه يعني علاج اكتر من 21 يوم و دي تعتبر جنحه في القانون بعد اما سمعتي الكلام ده برده مش حتقدمي شكوي
جميله : لا مش حقدم
شريف : تمام اتفضلي امضي هنا