الفصل الثالث
يعود حسان للبيت و يخبر جميله بسفره فتحزن و تشرد للحظات
حسان : سرحانه في ايه من ساعه ما قلتلك اني مسافر
جميله : ولا حاجه ؛ بس بفكر انا كنت ضيفه هنا لما تسافر انا حكون صفتي ايه
حسان : صفتك ؛صاحبه بيت لا ضيفه ولا اي حاجه .. انت ليه دايما بتفكري في الشكليات و الرسميات
جميله : عشان احنا مش عايشين في الدنيا لوحدنا
حسان : بطلي تفكير كتير و انا حوصي الناس هنا ان طلباتك اوامر
يوم السفر تجهز له شنطته و تساله : محتاج حاجه تاني
حسان : لا كده تمام اوي انتى محتاجه حاجه من لندن
ترد والدموع في عينها : لا مش عايزه حاجه
حسان : طب بتدمعي ليه دلوقتي كلهم 3 ايام و حرجع
جميله : ترجع بالسلامه ان شاء الله
حسان : اه بالمناسبه بكره او بعده حييجي ناس تعمل شويه شغل في البيت عشان متتفاجئيش
جميله : ماشي
يحضر حسان اجتماعات هو و شريكه في لندن ويخبر رئيسه في العمل : انا بفكر اعتزل شوف سيادتك و باقي الكبار ايه اللي ممكن يطلب مني عشان اعمل كده
بيتر : ليش بدك تعتزل ؟
حسان : تعبت ؛ و كمان ادي فرصه للصغيرين عشان يكبرو زي ما احنا كبرنا
بيتر : انت بتعرف ان قرار متل هاد مو سهل و ما فيك تقرر لحالك و لو خروچك ممكن يخرب النظام يالى موچود ما حدا بده يسمحلك فيه
حسان : عشان كده بسال سيادتك رايكم و ايه المطلوب مني اعمله و انا تحت امركم طبعا
بيتر : انا رح احكى مع الكبار و بشوف شو رايهم و اكيد ببلغك المهم بدى منك تركز بالشحنه الچايه هالمره ما بدنا اي مشاكل اليها
حسان : اكيد دي مش اول مره متقلقش
يخرج حسان و احمد للتسوق في شوارع لندن
احمد : انا مكنتش مصدق انك حتفتح الموضوع معاهم و كمان بالسرعه دي
حسان : علي ما الشحنه دي تخلص و يشوفو طلباتهم ايه و اخلصها يكون عدي وقت كبير اصلا متفتكرش ان الحكايه حتخلص في يوم و ليله
احمد:للدرجه دى حبيتها؟
حسان:خايف عليها اوى يا احمد
احمد:طيب و هى مشاعرها ايه ناحيتك؟
حسان:انا حاسس بيها بس هى بريئه اوى و ما اعتقدش انها ممكن تصارحينى بمشاعرها حتى لو انا قلتلها
و يعودان من السفر و يسال حسان سائقه : ايه اخر الاخبار
محمود : كله تمام يا ريس كل حاجه ماشيه زي الساعه
حسان : و نتيجه مسح البيت ايه
محمود : نظيف يا فندم مفيش اي اجهزه تصنت ولا اي حاجه
احمد : انت بعت فرقه مسح و تنظيف؟
حسان : اه هنا و في العزبه بتاعه الفيوم و الشركه زياده تاكيد بس عشان الشغل الجديد
احمد : طب تمام كويس جدا
ينزل احمد عند بيته و يكمل حسان كلامه مع السائق
حسان : و اخبار جميله ايه
محمود : مخرجتش من البيت غير امبارح
حسان : راحت فين ؟
محمود : نزلت عند صايغ باعت عنده دي ( و يخرج سلسله ذهب كانت دائما علي رقبتها ) و راحت لفت في شويه محلات رحت انا لبتاع الدهب رجعت منه السلسله و بعد اما خلصت روحتها البيت
حسان : كويس انك عملت كده
أنت تقرأ
ومن الحب ما قتل (مكتملة)
Romanceاحبها و احبته رغم الفوارق..... رجل العصابات و التهريب و الفتاه الصغيره فهل يصمد عشقهما امام التحديات، هل سيمحى حبهما تلك الصعوبات ام سيقتل الحب بالحب
