ومن الحب ما قتل (مكتملة)

الفصل السابع

الفصل السابع

تمر ايام و حسان مشغول بتجهيزات لا حصر لها من اجل تامين الشحنات و جميله توصل كل ما يقع امامها من معلومات

اللواء جابر : كل المعلومات اللي في ايدينا دي و برده مش قادرين نعمل بيها حاجه
الظابط شريف : يا فندم جميله ادتنا معلومات لو كنا قعدنا عمرنا كله مكناش حنعرف نجمع ربعها حتي ، كفايه اسامي الشبكه دي هنا
اللواء جابر : انت واخد بالك الاسامي دي فيها مين ؟ فيها ناس احنا منقدرش نمسهم
شريف : و العداله يا فندم ، و القانون ؟
اللواء جابر : للاسف الاسامي دي فوق العداله و فوق القانون
شريف : علي كده جميله كان عندها حق
جابر : في ايه ؟
شريف : لما قالت لي اننا ماسكين في واجه لجيش كبير ملهوش نهايه ولا نقدر عليه

جابر : ده صحيح ، بس خد بالك ان القضاء علي اللي اسمه حسان ده حيضعفهم و حيقلل عملياتهم لو بصيت لتاريخ الشبكه دي حتعرف اننا كنا الاول و قبل ما يمسك حسان الموضوع كنا بنعرف نمسكلنا شحنه و لا اتنين ، ايوه مكناش بنعرف ناخد اي معلومات من العناصر اللي كنا بنقبض عليها يا خايفيين يا بيتصفو قبل حتي التحقيق معاهم ، بس كنا بنقدر نمنع دخول الشحنات دي للبلد انما من ساعه ما ممسك حسان و احنا حتي مش عارفين ايه اللي بيدخل و لا دخل امتي و لا دخل ازاي

شريف : طب و الحل دلوقتي ايه يا فندم
جابر : انا بقول كفايه كده علي جميله ابعد من كده مش حنعرف نخرجها سليمه

و يحاول شريف مقابله جميله ليخبرها باخر التطورات و لكن دون جدوي فالحراسه شديده جدا عليها فيقرر ان يذهب حتي باب منزل حسان
يصل شريف لابواب القصر و يدخله الامن و تفتح له الخادمه فيطلب مقابله جميله

جميله بخوف : شريف انت اتجننت ازاي تيجي لحد هنا لو مش خايف علي نفسك خاف عليا يا اخي
شريف : جميله خلاص اللوا جابر بيقولك اخرجي عشان الموضوع بقي خطر و اكتر من كده مش حنعرف نخرجك خروج آمن
جميله : هو انت متخيل اني مش عارفه من الاول ان ملهاش خروج آمن
شريف : يعني ايه يا جميله
جميله : يعني انا عارفه النهايه ، و مش خايفه منها انا بس خايفه من الشويه اللي قبل النهايه
شريف : قصدك ايه

و في تلك اللحظه يدخل حسان بسيارته امام باب القصر فيجد شريف فيثار غاضبا 

حسان : خير يا حضره الظابط
شريف : كل خير ، انا بس كنت جاي ابلغ الانسه جميله اننا مقدرناش نمسك اللي ضرب عليها نار
حسان باستهزاء : يااااه ، تاعب نفسك و جاي لحد هنا عشان بس تبررلها فشلكم
شريف : مش بس كده ، و عشان كمان اعرفها ان اخفاء المعلومات المهمه عننا جريمه
حسان : و عرفتها ؟
شريف : يا ريت تكون فهمت
حسان : طب اتفضل بقي من غير مطرود.....
تتركهم جميله و تدخل فيتبعها حسان و هو ينادى عليها
حسان: جميله استني
جميله بعصبيه : افندم
حسان : كان عايز منك ايه ؟
جميله : عايز اي معلومات اقدر احط ايدي عليها
يقوم حسان باحتضانها
حسان : هانت ، هانت يا حبيبتي ، الشحنه فاضل عليها اسابيع
جميله : مصر برده ، ارجوك يا حسان بلاش انا خايفه اوي
حسان : معلش خافي دلوقتي عشان نرتاح بعدين