ومن الحب ما قتل (مكتملة)

الفصل الثامن

الفصل الثامن 🌹🌹🌹

تتحرك دوريات الشرطه متخفيه باللباس المدني و السيارات المدنيه لتراقب كل خطوه يخطوها حسان و لكنه دائما الامهر في كشف المراقبه و لان الشحنات تاتى من ثلاث جهات مختلفه برا و بحرا و جوا و هو دائما معتاد علي البر و البحر فقط فقد فضل ان يتواجد بالمطار ليضمن وصول اولي شحناته الجويه او بالاحرى اولها و اخرها ايضا

و اثناء تاكده من ان كل شئ على ما يرام ياتيه هاتف من رفيقه احمد يخبره بمداهمه السفن الخاصه به

حسان:  انت بتقول ايه مش سامعك؟
احمد:  بقولك البوليس هجم علي المراكب
حسان بهدوء:  طب و ايه الجديد مش حيلاقو حاجه
احمد:  بس دول مسكو الشحنه......
حسان بذهول:  ايييه؟  ازاى؟
احمد:  الحق نفسك انت عشان دول كانو داخلين و عارفين هم بيعملو ايه كويس
حسان:  مش ممكن،  محدش يعرف الحاجه بتيجي ازاي غيرى و.......
احمد:  مخرجين الشحنات من كباين المكن و عنابر الفحم

يصعق حسان مما سمعه فيدور في راسه الكثير من الامور ليراجع مخططاته حتي يعرف من الخائن الذى قام بالتبليغ عنه
ينجح حسان بتامين باقى الشحنات و يتجه لاحدى المخازن القديمه ليقابل فيها رجاله

حسان:  انا ببلغ عمال التحميل بالمكان و هم جوه المركب ازاى البوليس عرف مكانها ؟
احمد باستهزاء:  شوف انت قلت لمين ؟
حسان:  محدش يعرف حتي انت
احمد:  امال ايه اللي حصل ؟
حسان:  حتجنن
احمد:  انا رايي انك تتدارى يومين لحد اما نكلم الكبار عشان نعرف حيعملو ايه؟
حسان:  بس جميله انا سايبها لوحدها و......
يقاطعه احمد:  و الله انا ما شاكك غير في جميله دى اللى خلتلك طرى اوى كده

يتهجم حسان عليه و يمسكه من ياقه قميصه ليستطرد بحده زائده
حسان:  احمد انا مسمحلكش،  و احسنلك تخاف من غضبى
احمد باستهزاء:  انا شايف ان انت اللى المفروض تخاف منه هو رد الكبار على اللى حصل

و على جانب اخر يتجه شريف و معه بعض القوات الى قصر حسان و يسال الخدم عن حسان لتجيب الخادمه
.... مش موجود يا باشا
شريف:  و الانسه جميله؟
جميله:  انا موجوده
شريف بتصنع:  اتفضلى معانا انتى مطلوبه للتحقيق

تخرج معهم جميله لتتجه الي مديريه الامن و هناك
اللواء جابر:  احسنتى يا جميله بجد انتى عملت اللي جهاز المباحث كله عجز انه يعمله دى اول شحنه نقدر نمسكها من سنين
جميله:  الحمد لله انى كنت عند حسن ظن سعادتك
اللواء جابر:  و انا عند وعدى ليكي توصيه خاصه لكليه الشرطه مع ان والدتك مش مصريه بس جبتلك اوراق تعاملى معامله المصريين و اول ما تتخرجى حتتعيني هنا فى الجهاز معايا
جميله بتردد:  بس انا.......
شريف:  بس يا فندم متنساش ان حياتها حتكون فى خطر لو اتعرف انها معانا
اللواء جابر:  متقلقش احنا عاملين ترتيبنا انها تغير اسمها و الملف بتاعها عندنا حيكون سرى
جميله بتردد:  هو انتو حتقفبضو على حسان؟
اللواء جابر:  للاسف مقدرناش نربط الشحنه بيه مفيش غير تحقيق بسيط حيتعمل معاه لان شركه الشحن بتاعته لكن هو عامل عقود و اوراق تحمل المسؤليه على المستلم للشحنه خارج البلد،،،،  مأمن نفسه صح