ومن الحب ما قتل (مكتملة)

الفصل السادس

تخرج جميله لمقابله شريف فتجده مستاء جدا من الهزيمه مره اخري امام حسان

شريف بغضب : سياده اللوا بيبلغك انك تخرجي
جميله باستنكار : بعد كل التعب ده ، ازاي ؟
شريف : انا خايف اتكلم معاكي بصراحه تزعلي مني
جميله : ليه ؟ عايز تقول ايه ؟
شريف : عايز اقول انك حبتيه عشان كده المهمه فشلت
جميله بعصبيه : انا مسمحلكش ، المهمه لو فشلت ده عشان انتم مقدرتوش تستفيدو من كل المعلومات اللي جبتهالكم
شريف : كل المعلومات اللي جبتيها مفادتش بحاجه
جميله : انا عملت كل اللي اقدر عليه و اظن انكم مكنتوش تعرفو تجيبو ربع المعلومات اللي انا جبتها
شريف : انا شايف انك عماله تتكلمي انكم ، و تعرفو ، و تجيبو و كانك مش مننا
جميله : ما انت لما تتكلم معايا كده عايز ردي يكون ايه
شريف : انا بس عايز اتاكد انك لسه معانا و انك مش ناسيه خالد الله يرحمه

تبكي جميله و في تلك اللحظه يدخل احمد للمقهي و يراهما سويا فيقترب منهما و ترتبك جميله و يحاول شريف تدارك الموقف

شريف : علي العموم اكيد حيكون لينا لقاء جديد و اسف لو ازعجتك
جميله : لا ابدا مفيش ازعاج

يستاذن شريف للخروج فيسحب احمد كرسيه و يجلس عليه و يستند بمرفقيه على الطاوله التى امامه ليتحدث باعين تشع شرار

احمد بصرامه : كان عايز منك ايه ؟
جميله بهدوء : كان بيسالني عنكم و عن شغلكم
احمد : و قلتيله ايه ؟
جميله بعصبيه : انا معرفش حاجه عشان اقولها اصلا
احمد : امال بتعيطي ليه
جميله بتوتر : انا مش فاهمه هو انا خلصت تحقيق الظابط و دلوقتي انت اللي بتحقق معايا
احمد : و انتى ليه اخدتيه انه تحقيق
جميله : انا تعبانه و عايزه اروح ، بعد اذنك

و فور خروج جميله يتصل احمد بحسان علي الفور و يخبره بما حدث و يحذره من جميله فقد اثارت نحوها الشكوك

احمد: انا بقولك بس عشان تاخد حذرك
حسان: يا احمد متقلقش من جميله 
احمد:  و الله انا حاسس ان نهايتنا حتكون على ايدين البت دى
حسان بغضب عامر:  اتكلم كويس و متنساش نفسك معايا انا مش عيل صغير و اقفل بقى متخلنيش اتعصب عليك

وفي المساء و بعد عوده حسان من العمل يتجه الى جميله و هى تجلس على الارجوحه الموجوده بحديقه القصر فيقف خلفها ليقوم بهزها برقه لتنتبه له جميله فيدور ليجلس بجوارها و يحتضنها و يسند ذقنه فوق راسها و يقول بصوت رقيق

حسان : عامله ايه انهارده ؟
جميله بايجاز : زي كل يوم
حسان : طب يومك عدي ازاي ؟
جميله : حسان خش في الموضوع انا عارفه ان احمد بلغك انه شافني انهارده ، ملوش لزوم ابدا اللف و الدوران
حسان : انت اتعصبتي ليه انا لا بلف ولا بدور انا عايز اسمع منك اللي انت عايزه تقوليه ، و علي فكره انا مش بشك فيكي و اكيد في تفسير منطقي للي حصل انهارده و انا مستني اسمعه ، بس كده
جميله : معنديش اي تفسير ، الضابط كلمني و طلب نتقابل و انا لو عايزه اخبي مكنتش قابلته في الكافيه اللي جوه الكومباوند ، كنت روحت و قابلته بره في اي حته بعيد
حسان : عارف و انا قلتلك انى مصدقك من غير حتي ما اسمعك
جميله : سالني عليكم و علي شغلكم و انا قلت اني معرفش حاجه خالص و خلاص ، بس ازاي احمد طبعا لازم ينخور ورايا عشان يخليك تشك فيا
حسان : ابدا خالص ، كل الحكايه انه عنده فضول يعرف قالك ايه خلاكي كنتي بتعيطي و انت رديتي قلتي ايه ؟
جميله : اممممم طيب ، قالي انك قتال قتله و انك المشتبه الاول في المجزره اللي حصلت بعد الحادثه بتاعتي و ده انا عرفاه ، و قالي انكم تجار في كل حاجه ممنوعه ، و ده انا برده عرفاه ، بس اللي خلاني عيطت انه قالي انك قربت تتمسك و عقابك هو حبل المشنقه ، وقتها مقدرتش امسك نفسي من العياط