ومن الحب ما قتل (مكتملة)

الفصل الخامس

يدخل حسان الى غرفه جميله: حبيبتي ؛ كل ده بيعمل ايه ؟
جميله : بيسألني و مصر اني عارفه حاجه و بخبيها ؛ حسان ؛؛ مين الناس دي ؟ و ليه عايزين يموتوك ؟
حسان : منافسين ليا
جميله : منافسين !! و ممكن المنافسه توصل للقتل ؟
حسان : اه ؛ ممكن ؛ لما تبقي مش شريفه
جميله : انت عارف هم مين ؟
حسان : يعني
جميله : طب مقلتش للظابط ليه و لا ناوي تاخد حقك بايدك زي ما هو قالي ؟
حسان : قالك ايه كمان خلي وشك متغير و عينك فيها دموع محبوسه كده
جميله باكيه : كل اللي سمعته منه مش حسالك فيه لاني مش عاوزه اعرف اذا كان حقيقي ولا بيخوفني منك و بس انا للاسف اتاكدت اني بحبك و .......
حسان باسف : للاسف ! يااااه للدرجه دى..... بقي انا بعمل المستحيل عشان اكدلك حبي ليكي و انتى اتاكدي من مشاعرك و بتقولي للاسف
تبكي جميله : حسان لو انت عارف مين اللي حاول يقتلك بلغ البوليس ارجوك بلاش انت تعمل حاجه
حسان بحزم : عيزاني اسيب دمك اللي ساح و عنيكي اللي انطفت وقلبك اللي بطل ينبض قدامي ورجع ينبض بمعجزه ؛ عيزاني اسيب حقي في كل ده للبوليس ؛ البوليس عايز حاجه تانيه خالص يا جميله صدقيني
جميله : بس يا حسان انا مش .......
حسان مقاطعا : انا مش حعرف انام الا لما اخد حقي

تنهمر جميله في البكاء فيقوم بالاقتراب منها و احتضانها برفق حتي لا يؤلمها

جميله : يبقي الكلام اللي الظابط قاله صح ؛ و .....
حسان : قالك ايه قوليلي ؟
جميله : قالي اني لو مقلتلوش علي كل اللي اعرفه حسمع عن مجزره قريب جدا و مش بعيد تكون انت فيها و قالي **
تصمت و لا تكمل فينظر لها بحب و يردد
حسان برقه : سكتي ليه ؟ قالك ايه كمان ؟
جميله بتالم: حسان ارجوك خلاص انا تعبانه ؛ تعبانه اوي مش عايزه اتكلم ولا عايزه اعرف حاجه

تصل الاخبار و يعرف حسان من المحرض علي محاوله القتل ؛ خصمه الاول و الذي يحاول اخذ مكانه منذ سنوات طويله ولكن بلا جدوي و هو عمار درويش فيقرر حسان ان يقوم بزيارته زياره غير ساره

يقتحم رجال حسان ڤيله عمار و يقوموا بقتل حرسه و رجاله
ينهض عمار من نومه مفزوعا على صوت طلقات النيران

عمار محدثا زوجته:قومى بسرعه خدى الولاد و انزلى المخبأ و مهما حصل او سمعتى اصوات متخرجيش ابدا....فاهمه؟
الزوجه بخوف:و انت؟
عمار بغضب:اعملى اللى بقولك عليه

يدخل حسان بخطوات واثقه و بطيئه للداخل و يقف فى منتصف الصاله ليفتح يده على مصراعيها و يردد بصوت غاضب

حسان:عمااااار..... تعالى لو راجل و حاول تقتلنى انا قدامك اهو، تعالى وواجهنى فى وشى متبقاش زى الجبان اللى بيضرب من الظهر

يخرج عمار بخوف و ينظر له ليردد:خلص المهمه اللى انت جاى عشانها بلاش الشو الاستعراضى ده 
حسان بغضب: وصلت بيك انك تضربنى فى ظهرى....  بس و غلاوه الدم اللى سال ده لحخليك تتمنى الموت الف مره قبل ما تطوله.......  انا عندى ليك اقتراح حلو و لا نقول عليها لعبه اصلى زهقان
عمار بضيق و حده :و انا مش عبد لتسليتك....ارفع سلاحك و خلص انا مستنيك
حسان ببرود و استفزاز:ليه كده بس يا عموره....ده انا لسه مخلصتش كلامى، بص احنا حنلعب لعبه صغيره لو انت كسبت اوعدك انى حسيب مراتك وولادك يعيشو، بس لو خسرت