اليوم صعدت بسياره واكو ام كاعدة يمي و ابنها وياها عمره تقريبا ١٥ سنة فاباوع عليها لكيتها كاعدة زعلانة و شكلها كان تعبان و مهموم كلش وشفت ابنها يشاقه وياها و يكوللها أضحكي و يحاول يضحكها و هي تضحك ضحكة حزن فجأة لكيته يكولها و هو تعبان ب الحرف (ماما هو ربي شوكت راح ياخذني لان تعبت من ضرب الابر ) أني باللحظه هاي حسيت إنو جسمي ارتعش
🥀🥀🥀🥀🥀🥀🥀🥀🥀🥀🥀
وصدمني ف أمه كالتله لا يا حبيبي أنت راح تبقى ويانه ويم أختك إللي تحبها و هي عينها مدمعه ف أنا كاعدة اسمعهم ف باوعتله و كلتله أنت حلو و أمور ثانية ف ضحك و كالي بس شعري وكع و مابقى مثل الأول و هو عينه مدمعه فلزمت أيده وحقيقة جانت مبينه بيها حقن الابر ومكاناتهن زرك دنكت على أيده و بوستها فباوع لامه و هو فرحان و مستغرب وأول ما بوست أيده ضحكلي بعدها بقيت
🥀🥀🥀🥀🥀🥀🥀🥀🥀🥀
أشاقيه وضحكته و اني نازله يكولي إدعيلي أرجع حلو و شعري يطول مره ثانية كلتله مو بس اني ادعيلك راح اخلي الناس كلها تدعيلك حتى تبقى حلو و تبقى ويانه نزلت من السياره وأني حرفياً منهاره وابجي و ساعتها حسيت إن الله فعلاً منطينه نعمه جبيييييره و هي الصحه و حتى لو صحتك مو تمام أشكر ربك لأن اكو ناس تتمنى تعيش بس علمود أهلها وإحنا ماعدنه مشاكل بحياتنه إحنا ماعدنه هموم إحنا بنعمة ونعمة جبيرة و ما حاسين بيها واكو ناس تتمنى بس تعيش بدون ألم وتتمنى ماتاخذ علاج
🥀🥀🥀🥀🥀🥀🥀🥀🥀🥀 أني وعدته إنو اخلي الناس كلها تدعيله حتى يطيب ولكل مرضى السرطان والامراض المستعصية بحق هذا اليوم العظيم مصاب ابي الاحرار سيد الشهداء الحسين بن علي عليهما السلام وبحق منحرهرالشريف وابنائه البرره وعياله واخوانه واصحابه اللهم امين اللهم امين اللهم امين
دعوا_لمرضى_السرطان_والامراض_المستعصية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
