🕊️ من تصير عندكم مشكلة او شدة او أي شيء من هذا القبيل...
ماذا تفعلون.!؟ وما الشي الذي ينسيكم او يفرج ما أنتم به.!؟
🌷🌷🌷🌷🌷🌷🌷🌷🌷🌷🌷
_هواي مشاكل صارت عدنا بالبيت سابقا جنت بشكل لا ارادي اردد بقلبي: يا صاحب الزمان أدركنا والله جنت اشعر مثل المي البارد ينزل على قلبي وتخلص المشكلة على خير.
🌸🌸🌸🌸🌸🌸🌸🌸🌸🌸🌸 _مرة جنت ضايجه من ذنب وكلش مأذيني صار الليل وتوجهت للسيدة الزهراء سلام الله عليها بجيت لحد ما حسيت انو هي سمعتني واجت يمي والحمد لله ربي ساعدني على التخلص منه. 🍁🍁🍁🍁🍁🍁 _اما ابا عبد الله الحُسين هو باب الحوائج والناس كلها تتوجه اله بس اني ما اعرف ليش أستحي اروحله اذا عندي مشكلة او هم او حاجه ما اعرف هذا الشي صح او خطأ بس قلبي مينطيني اتوجه اله بغير دموع مصيبته و رزيته حتى اجتي فترات امتنع عن البكاء لسيدي اذا جان بگلبي هم دنيوي او ضايجه من فد شي واكول حرام اخلط دموع الامام الحسين مع دموع دنيويه.. ✨✨✨✨✨✨✨✨✨✨✨
_صلاة الليل جانت بمثابة اسعاف فوري لهواي انتكاسات بحياتي اجي اوكف واكول ياربي اعرف صلاتي مو مثل صلاة الصالحين والعاشقين بس اني ما عندي غيرك وين اروح ؟ اوكف اصليها والدموع التنزل احسها تغسل كل هموم قلبي. 🕊🕊🕊🕊🕊🕊🕊🕊🕊🕊🕊 الملخص ماكو ملجأ للانسان من هموم الدنيا وغربتها الا الله واهل بيته الطاهرين وهي الدنيا كلها غربه وهم وحزن للعاشقين المشتاقين للتحليق.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
