اذا البنيه تتزوج ويطلع زوجه مو گد المسؤوليه يگلوله هاي قسمتج لو يگلوله هذا أمر الله لو يگلوله الله كاتبلج هيج.. سالفة القسمه والنصيب اكثر الناس ما تعرف انو اصلا هذا خطأ🙁✋🥀
يعني القسمه معناها ان الله مخلي هذا الشخص الج مهما كانت الأسباب معناه الله يجبر الشخص وهو الي يختارله وهذا ذنب والله مايقبل بهذا الكلام نهائيا حاشا لله ان يجبر شخص الله منطيك عقل وانت شتختار اختار🧠👀🕊
مال تجين ويطلع زوجج خائن او الزوجه خائنه وتجي وتذب اللوم على الله هذا ذنب يا ناس هسه راح ابينه الك اكثر وخاصة للناس الي يگولون هو الله كاتبله هيج تتزوج تدري شنو معنى الله كاتب هذا الشي يصير☹️👇🥀
معناه ان الله شايف هذا الشي يصير وكاتبه يعني مو كاتبه ويصير حسب الي كاتبه. ويصيرجبرا.. اكو فرق كبير صح الله يعرف شنو راح تتزوج بس مو معناه الله هو الي يختارلك هذا الزوج او الكاتبه لازم يصير الك.. هذا الخطأ الي جاي نرتكبه😔✋💔
نصيحه اترك كلمة قسمه ونصيب هسه أخذه عقليا الله اللطيف الرحيم وأحن عليك من أمك يزوجج شخص زاني وشارب خمر والعياذ بالله ترى جاي نظلم الله حاشا لله.. هسه ليش بعض الناس تدعي بالزواج الصالح أهنا الله راح يساعدك للشي الصالح🤲🕊🕊
أخواني اخواتي اي شي يصير بالدنيا الله شايفه قبل وقوعه گدامنه وكاتبه... حتى الموت.. يعني هسه معقوله شخص يموت بحادث وتجي وتگول الله كاتبله بهذا اليوم يموت خلاص وبهاي الحاله.. هذا ظلم وخطأ كبير😔✋💔
أرجع وأگول الله يشوف الشي وبعدين يكتبه وأكيد شايف كل شي وكاتبه بكتاب الدنيا وليس كاتبه والشي يصير حسب الكتابه جبرا هذا خطأ.. يا ناس هذا الله هذا الحب والحنان شويه اصفن مع نفسك صدگني محد ألك بس الله يبقى وياك طور علاقتك بالله🌸
موعدنا بالجنه😍 بإذن الله تعالى 🌸
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
