احببتها منذ الطفوله ♥

الفصل الاول

تدخل علي مكتبه بسرعه الريح غاضبه وتغلق خلفها الباب عاقده ذراعيها وتنظر له بغضب جامح قائله:ممكن افهم بقا الاستاذ المحترم مجاش عيد ميلادي ليه ومعبرنيش دا حتي مهنش عليه يتصل بيا

........(لحظه واحده)

(دي مي حبيبه رعد من ايام الجامعه معروفه بجنونها ولا تأبه ل احد كل همها بالحياه ان تجمع المال تضع احلاما خياليه وتسعي لتحقيقها والدها ووالدتها منفصلان تعيش مع عمتها الغير متزوجه والتي طغت تصرفاتها عليها بشده ف ملابسها الفاضحه وغير محجبه ولا تخرج بدون مساحيق التجميل وايضا لها شله كما يطلقون ثلاث اولاد وهي ونهي زميلتها التي لاتختلف عنها ,وبالرغم من اعتراض رعد ع تصرفاتها الا انه يحبها)

_...........

انا مش بكلمك واقتربت منه وهي تدفع كرسيه بعنف

_قام من مكانه ونظر لها ببرود قائلا فهو يعلم حركاتها جيدا ثم قام بأحتضانها معتذرا بصوت هادئ :اسف ي حبيبتي بس ماما تعبت امبارح وكان لازم اوديها المستشفي م انتي عارفه ماما تعبانه

ايواا طب متصلتش عليا ليه كان ممكن تتصل عليا ع فكره

_جيت تعبان ونمت ساعتين وصحيت علشان الشغل واهو بحاول افتح معاها موضوع خطوبتنا

نظرت له بفرح وعيون لامعه: بتتكلم بجد يااه حلم ست سنين اخيراا هيتحقق دا حلمنا من ايام الجامعه اخيرا احلامنا هتتحقق ثم قامت باحتضانه وهي تعتذر اسفه ي حبيبي بس برضو دا عيد ميلادي

_اسف وياستي هديتك محفوظه ف الحفظ والصون

قبلته مغادره طيب هستناك بعد الشغل,غادرته وهو ينظر لها بتعجب مبتسما فهو يحفظها ويعرف طريقتها وكيف تفكر او هذا مايظنه ,., واكمل عمله

________________________________________

بمكان اخر يعلو صوت الموسيقي الذي تكرهه شاهيناز بشده فدخلت غاضبه صارخه ع اختها الصغري روان

_انتي يازفته بقالي ساعه بزعق اطفي الزفت دا وبطلي هبل

اي اي ف اي حد يدخل يزعق كدا مسمعتش انهت جملتها وهي تغلق التلفاز

_م انتي لو كنتي مهديه الصوت ع قدك كنتي سمعتي انما ازاي وبعدين الاغاني حرام ي بكيزه هانم هفضل اقولك لحد امتي

لاب لاب لاب قالتها روان وهي تقلد شاهي ,اولا انا مبعرفش اسمعها غير كدا ثانيا سمعاني ازاي وانتي قافله اوضتك ثالثا الدين يسر ع فكره وبطلي تشدد ي ستي الشيخه

_امسكتها من شعرها صارخه :ياماما تعالي لمي بنتك احسن اقتلهالك

الحقيني ي ماما اه شعري ي متخلفه

_مش هسيبك غير لما تعتذري انا لو اتجوزت كنت خلفت قدك ي حيوانه وقاعد تشتميني

اي اي صوتكو عالي ليه قالتها عزه وهي تحاول ان تنهي تلك المشجاره بينهما ككل يوم؟!