#رواية_يوميات_فتاة_تائبة
الحلقة التاسعة والعشرون
بعد إنتهاء الدرس خرجت شروق وسامية من الحصة
وبدأت شروق تتحدث مع سامية
شروق 🧕🏻: نرجع نكمل كلامنا بقي عن الأغاني
بس قبل ما نكمل إنتي فهمتي الدرس وركزتي ولا كلام الشاب خلاكي لسة
مدايقة وسرحتي في الدرس
سامية👩🏻🦰 : لا لا انا الحمد لله كنت هديت قبل ما أدخل وأكيد دي رسالة من ربنا
علشان فعلا الواحد يبدأ يتغير
شروق🧕🏻 : طيب الحمد لله ربنا ينور بصيرتك يارب يا سامية يا حبيبة قلبي
نيجي بقي نتفق هتعملي إيه علشان تبعدي عن الأغاني
أول حاجة تعاهدي ربنا إنك مش ترجعي تسمعي أغاني تاني وتكوني صادقة في
كده علشان الأمر يبقي سهل عليكِ
لكن لو إنتي مش صدقتي وإستصعبتي الموضوع مش هتقدري تبعدي
والخطوات اللي هتمشي عليها
أول حاجة تستعيني بالله وتدعيه في كل صلاة وفي كل سجدة واطلبي منه إنه
يخرج المعصية من قلبك
أطلبيها بصدق وإلحاح وصدق وهتلاقي نتيجة حلوة أوووي
لأن ربنا سبحانه وتعالي قال (وَقَالَ رَبُّكُمُ ادْعُونِي أَسْتَجِبْ لَكُمْ ) غافر من
الآية 60
تاني حاجة تتخلصي من كل حاجة بتوصلك وتفكرك بالمعصية دي
وأوعي تهديها لحد بقي بيحب الأغاني لأنك هتاخدي وزره
لو علي الكمبيوتر عندك إمسحيها وأوعي الشيطان يضحك عليكِ ويقولك ما
انتي مش هتسمعيها تاني مش لازم تمسحيها يعني
إقطعي للشيطان أي طريق ممكن يدخلك منه
تالت حاجة إشغلي وقت فراغك بحاجات مفيدة
لأنك لو مش شغلتي نفسك بالطاعة هتشغلك بالمعصية
إجتهدي أكتر في حفظ القرآن
هتعيشي بجد مع القرآن
يااااااااااه حياااااااااااة بجد متعة وتبقي مستغرقة في المعاني الجميلة وتبقي
مستشعرة بأحاسيس إن قلبك بيطير كده
ولازم تبدأي من دلوقتي ومش تأخري الموضوع ده
...إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ (الرعد من الآية 11)
هتقوليلي انا اتعودت عليها ومش أقدر أبعد عنها
هقولك لأ يا سامية تقدري إنتي قوية بإذن الله
