#رواية_يوميات_فتاة_تائبة
الحلقة التاسعة و الأربعون
( 3 ) خليك شجاع و خد قرارك
دي الخطوة اللي كتير مبيعرفش يتخطاها و بتصعب عليه
فعايزاك تاخد القرار قبل فوات الأوان
أبو طالب عم النبي صلى الله عليه و سلم في القصة المعروفة لما النبي صلى الله
عليه و سلم طلب منه ان ينطق الشهادتين قبل أن يموت مباشرة لكن أبو طالب
استمع لكلام ابي جهل عندما قال له أترغب عن ملة عبد المطلب ؟ فكان آخر ما قال هو على ملة عبد المطلب
خد قراره و مات كافر
خد قراره غلط في الوقت اللي مينفعش فيه قرار غلط ابدا
و كانت فرصته الأخيرة
فمش عايزين الفرصة الأخيرة تيجي وكمان ممكن منعرفش ناخد فيها القرار
خد قرارك و انتصر على نفسك حالا و متترددش
قول يا رب انا هتوب من كل الذنوب و خدت قراري اني مش هرجع تاني ابدا و ادعو ربنا يعينك
الناس اللي بتشرب السجاير مش عاوز تسيبها ليه ؟ لو سيبتها هيحصلها حاجة ؟ و لا حاجة هما بس بيوهموا نفسهم
والأغاني هيحصلهم ايه لو سابوها ؟ و لا حاجة و الهدوم الضيقة دي هيحصل ايه لو جابت بدالها هدوم ينطبق عليها اسم حجاب شرعي و تسترها ؟
هيحصلها كل خير
فعيزاك تاخد القرار بشجاعة يا طارق
خليك قوي وإتغلب علي كل العواقب
4_وأصحابك بقي
سيب أصحاب السوء اللي كانوا بيسبوك تعمل المعصية و محدش ينصحك
استبدلهم بأصحاب يدلوك على فعل الخير
أصحاب يدلوك لو عملت حاجة غلط و ينصحوك لو تأخرت عن الطاعة
لازم من الرفيق الصالح
و كما يقال : " الرفيق قبل الطريق"
5_وتستبدل بقي
أي حاجة أصحابك اللي مش كويسين علموهالك بحاجة كويسة
بتسمع أغاني استبدلهم بقرآن و خطب و دروس تعينك على طريقك
و اصحابك قلنا هتستبدلهم برفقة صالحة
متخليش حاجة و لا شخص يفكرك بالمعصية
6_ومهم أوي إنك تشحن قلبك
الشحن ده مهم أوي في طريقنا لربنا لأننا ممكن نرجع تاني
فمثلا زي الشريط اللي سمعته ده
كل إسبوع علي الأقل تسمعلك واحد
( 7 ) حــــــــــــدد هــــــدفـــــك :
هدفك الأكبر ايه ؟ انك تنجح في الامتحان و تتخرج ؟ انك تتزوج ؟ انك
تلاقي وظيفة عالية و مرموقة و مرتبها عالي ؟
و لا هدفك هو الهدف النهائي ؟ هدفك الجنة و لا غيرها ؟
مبقولش نبعد عن الدنيا كلها لكن نخلي الدنيا وسيلة توصلنا للجنة
الدنيا دار فناء و كلها شوية و ننتقل لدار أخرى
و الدار الأخرى تتحدد على حسب عملك في الدنيا
ناوي على ايه ؟ هدفك إيه ؟
( 8 ) إياك و التسويف :
الموت ميعرفش صغير و لا كبير
الموت ممكن يجيلنا في أي لحظة و أكيد انت سمعت عن فلان اللي مات في
العشرينات و فلان اللي مات و هو بيعدي الطريق و فلان و فلان
مستني دورك ؟
قال رسول الله صلى الله عليه و سلم : " من مات على شيء بعث عليه " عاوز تبعث يوم القيامة على ايه ؟
عاوز تبعث و السيجارة في ايدك ؟ و لا تبعث و انت بتتفرج على حرام ؟
و لا عاوز تبعث على ايه بالظبط ؟
( 9 ) سلب النعم :
إن ممكن النعم اللي ربنا وهبهالك تسلب منك
لما تعصيه بيها
( 10 ) رتب :
رتب أولوياتك عاوز تتغير من ايه ؟
و ايه الاولويات ؟
عاوز تتغير منكل حاجة و عاوز تصلي الفجر ووو....
ويبكي😭 طارق
وتبكي شروق عندما تري طارق يبكي
شروق🧕🏻 : انا دلوقتي مش عارفة بتبكي ليه بالضبط
طارق👦🏻 : إنتي عايزة تحرجيني يعني
شروق🧕🏻 : انا لا والله خلاص بلاش
طارق👦🏻 : طيب إنتي بتبكي ليه
شروق🧕🏻 : آه منك علشان إنت بتبكي وعلشان انا بحبك أووي فتأثرت بيك أوي
طارق👦🏻 : طيب علشان انا كمان بحبك اوووي وإتأثرت بكلامك أوووي
شروق🧕🏻 : مكسوف مني ماشي يا سيدي ربنا يحفظك يا طروقة إنت أصلا
متعرفش أد إيه غالي عندي
ويبتسم طارق 👦🏻: وإنتي كمان
ويذهب كل منهما للإهتمام بدروسة علي وعد بأن يحفظ طارق وتسمع له
شروق
وتقترب إمتحانات شروق وتنشغل بمذاكرتها
وفي هذه الفترة تفاجأة شروق بمفاجأة كبيرة جدا
ياتري ماهي ؟؟
ده اللي هنعرفه الحلقة القادمة بإذن الله
