#رواية_يوميات_فتاة_تائبة
الحلقة الرابعة و الثلاثون
قررت شروق ان تتعرف علي البنات اللاتي يجاورنها وتحاول ان تدعوهن لعل
الله أن يهدي قلوبهن
شروق🧕🏻 : إزيك يا يارا عاملة إيه وحشتيني يا عسولة
يارا👩🏻🦱 : انتي أكتر يا شروق انا بخير الحمد لله
شروق🧕🏻 : ما تيجي تعرفيني علي البنات اللي في الفصل انا شايفة إن معظمهم
كانوا معاكِ في المدرسة
يارا👩🏻🦱 : ايوة صحيح دول كانوا معايا تعالي أعرفك
دي يا ستي مروة صحبتي ودي إسراء
شروق🧕🏻 : السلام عليكم ورحمة الله وبركاته مروة وإسراء
مروة وإسراء👩🏻🦳👩🏻 : وعليكم السلام ورحمة الله وبركاته
شروق🧕🏻 : انا اسمي شروق ويارا كلمتني عنكم وحبيت اتعرف عليكم
مروة👩🏻 : إحنا نتشرف يا شروق
شروق🧕🏻 : ربنا يكرمكم يارب انا أسعد
وبعد ان تعرفت شروق علي مروة وإسراء وتحدثوا عن دراسة الإعدادي
شروق🧕🏻 : تعالوا بقي نقعد وندردش مع بعض شوية
إيه رأيكم يا جماعة في الحياة والواقع اللي إحنا عايشينه عامة
يارا👩🏻🦱 : عادي اهي حياة بنقوم نعمل اللي بنعمله كل يوم مفيش غير المذاكرة
اللي بتتغير الحاجات فيها
تبتسم شروق🧕🏻 : ها وإنتوا إيه رأيكم مروة وإسراء
مروة👩🏻 : بصراحة واقع صعب أوي وناس كتير متاكل حقها وحاسة الحياة مملة
ملهاش طعم بس أهو عايشين
إسراء👩🏻🦳 : الحياة لذيذة بنفرفش ونفسح ونخرج ونعمل اللي نفسنا فيه
_كانت إسراء مدلعة ولا ترتدي الحجاب وتري بذلك أنها مازالت صغيرة _
شروق🧕🏻 : طيب تيجوا نتكلم بصراحة علي حسب رأي يارا ومروة ونرجع
نتناقش مع إسراء بعد كده
إحنا بنقول إن الحياة مملة وملهاش طعم
طيب تعالوا نشوف الآية دي كده
(وَلَوْ أَنَّ أَهْلَ الْقُرَى آَمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالْأَرْضِ وَلَكِنْ كَذَّبُوا فَأَخَذْنَاهُمْ بِمَا كَانُوا يَكْسِبُونَ)
(96سورة يونس)
وكمان نشوف كلام أحد السلف الخطير ده : إنه لتمر عليّ ساعات أقول فيها
: إن كان أهل الجنة في مثل ما أنا فيه إنهم لفي عيش رغيد .
