حبايبي لاتنسو التصويت
الحياة أن طالت اوقصرت لازم نعيشها ونتقبلها بحلوها أومرها
دخل الشخص اللي اذا بيدي أمحي من الوجود أبن عمي يمكن من سؤ حظنا صار أبن عمي مغرور متسلط ميترك فرصة أذا ميذب كلمة ويجرحني كأنه بس هو الموجود
أنس: هلو فردوس أشلونكم أشو كل يوم تحلوين أكثر هنيالنا على هيجي بنت عم
فردوس: زينين تسلم أدخل جوه ابوي وأمي بالصالون (يارب اشكد غثة ميتحرك دروح) اي الحمد لله هسه
راح أعرفكم على عائلتي عندي اخواتي نهاية ولارا واخواني أبراهيم وعقيل طبعا نهولة عمرها ١٥ صف ثالث متوسط وشطورة كلش ولارا حبيتي أحلى وحدة بينا عمرها ١٣ سنه صف ثاني متوسط وأخوي أبراهيم هذا أبونا الثاني خلص سادس وقدم للكلية العسكرية ووقت الفراغ يشتغل بالسوك يساعد أبويا أما أخر العنقود المدلل عقيل هو سادس أبتدائي
وعندي عم وأحد عنده ولده أنس مخلص تحليلات وهسه هو محلل وعنده مختبر وأبنه الثاني حسين وي أخويا أبراهيم بالكلية العسكرية وبنت عمي هيا صف رابع أعدادي
وعماتي أثنين
أما خوالي شبه منقطعين عنهم لأن عايشين بالشمال كل جم سنه نشوفهم
دخلت أقدم الجاي
ها فردوس عالخير الدوام أذا محتاجة اي شي أحنا بالخدمة سمعت أنقبلتي بالتربية
فردوس: أي شكرا الحمد لله أستاذ ن وطلعت
طبعا من أحنا صغار أني مسمية بأسمه وأمه كل متشوفني تعوج حلكها كأني فارضة نفسي عليهم هو أني أبنهم من أشوفه أحس الدنيا فوك راسي هههه
طبعا ابوي كان عنده أسواق بس فترة أتمرض وأحنا جنا صغار بقى المحل بيد الصانع بعد فتره كال المحل بالخسارة وأحنا نريد فلوس لعلاج ابويا فسدوا المحل أمي بدت تخيط للناس والحمدلله أبويا رجع صحته وبده يشتغل
وماشي حياتنا
اليوم أول يوم أداوم بالكلية عالم ثاني طبعا بهاي الفترة اللبس غير كلها أني ملابسي بسيطة ومكياج مااحط الحمدلله صديقتي نور من الإعدادية أحنا سوه وأنقبلنا نفس الكلية
نور: دوسه أدعيلي أخلص من مرت أبوي وأشوفلي فارس أحلامي ويخلصني
فردوس: هو أحنا جايين ندرس لو ندور فارس أحلام أني أريد بس أخلص وأتعين وأساعد أهلي (طبعآ أني شكلي بيضه وعيوني سود خدودي من الله وردي وجسمي رشيقة )
دوم صديقاتي يكولون تشبهين الاسبانيات
يلا نور خلي ندخل للمحاضرة هاي أول يوم ودخلنا للمحاضرة وخلص الدوام ورجعت للبيت الله ريحة الاكل من أيد نبع الحنان
نبع الحنان: روحي بدلي حتى أصب
صار فتت للغرفة شفتي لارا كاعدة هلو حياتي اشلونج ويا الدراسة
لارا : زينة الحمد لله اليوم أتعرفت على صديقات جدد وياي بالمدرسة كلش حبابات
فردوس زين حبيبتي ديري بالج يلا ننزل خلي نتغدا ونزلنا كلنا كاعدين ماعدا إبراهيم بالدوام وأشوف ابوي وامي رغم تعب السنين أحلى عائله قانعين وحنينين يارب لا تحرمنا من هاي اللمة
أم فردوس : أبو فردوس عيني بدل متشتغل بأسواق ابو عصام ليش منبني بالحديقة دكان ونسوي أسواق وترتاح ياعيني وأني عندي جم فلس نشتري بيها أغراض
أبو فردوس: والله خوش فكرة بس يجي أبراهيم هو يفتهم خلي يتفق وي العمال والاسطة
طبيعي حياتنا ماشي طبيعي دوام و تحاضير وشغل البيت أحنا بطبعنا منطلع الا للسوك ومرات للزيارة ويا أمي
فردوس نهاية لارا يلا يوم كومو ساعة سته ونص لما تتريكون
نهله:صباح الخير يمه والله اليوم مال نوم والواحد ميطلع من فراشه
فردوس: طلعت من البيت وركبت الباص ونزلت أول مطبيت شفت نور ودخلنا للكليه طبعا أحنا بهاي الفترة تعرفنا على ولد بشعبتنا كلش محترم أسمه صهيب فصرنا أني َنور وصهيب وصديقتنا عبير منفترق
وشفنا صهيب واكف يحجي ويا واحد لابس ملابس عسكري فتنا سلمنا
عبير : بويا هذا حور من الجنه شنو هالجمال شنو هالشخصية
نور : ولج عبير أكلتي الولد بعيونج
اليوم ميطلع سلامات هههه
فردوس :يلا بنات راح يبدي المحاضرة
أجا صهيب ودخلنا للمحاضرة
اليوم معزومين عندي
عبير :مقبولة بدون مااعرف شنو المناسبة
صهيب :أخوي أترفع صار رتبته نقيب
عبير :اها هذا الحور قصدي العسكري أخوك
نور : مبروك
فردوس : مبروك
أنتظروني بالبارت القادم وبداية احداث حلوة لاتنسون التصويت
أنت تقرأ
خلف أسوار القدر.
Lãng mạnقصة حقيقة من واقع العائلة العراقية تتحدث عن ثلاث أخوات تكون لهم مع القدر حكاية أحياناً نرسم لحياتنا أمال لكن للقدر رأي أخر فردوس:عيني على الباب أتانيك راضيه عن حتى أذا دخل طيفك ومر نهله :شكد مگالوا عن القدر وحكمه بس من شفتك حبيت الاقدار لارا: م...
