خلف أسوار القدر.

البارت الثامن عشر

سيجلب لنا القدر

وجوها تليق بنا

تبقى معنا دائمآ بلا غياب

وتمنحنا جمال الحياة

وتمحو معها وجوهآ رحلوا

ويبقى القدر ماسكآ

أحلامنا مانعآ أياها من التحليق

______
هيا
بعد ماأعطيت موافقتي ماما رأسآ كامت وصيحت شنو هيا متتزوج منو لعب بعقلج

بابا :ام أنس سكتي أني بعدي عايش صوتج ماأسمعه صار مده مجبرناها هسه بقناعتها ومدام هي موافقه وهسه اكدر أكول لإبراهيم أخذها بدشداشتها ونعم من ابن اخوي

صار السكوت وماما كعدت لأن طول عمرها متكسر كلام بابا

ماما :لا بس يعني هيا كالت اريد اكمل
فخفت مأثرين عليها وين نلگه مثل أبراهيم والنعم منه

ههه ضحكت بداخلي عرفت ماما مجبوره متكدر تگول لا كدام بابا
واصلا أبراهيم مينرفض

عمي گال نجيب السيد هسه اعرف يخافون ماما تفلش الزواج

جيرانه ساده راحوا عليه وجوي
نهله ولارا أخذوني لغرفتي فردوس جانت دازتلي فستان اشكد حنينه
ونهله حطتلي مكياج خفيف

صاحنا حسين هيا الف مبروك بعد أخوج
تعالى السيد اجى

فرحتي بالدنيا وأخيرا حب طفولتي وحلمي تحقق محد ميكدر يوكف قسمه أذا ربج كاتبها

كنت كاعده والسيد يريد موافقتي ردت احجي
نهله: ثكلي بنتي رأسآ لاتجاوبين ثالث مرة

اليشوفها يكول مو اخوها اشكد ماأحجي على بيت عمي ماأجاز يهم عن طيبه گلبهم
وحنيتهم

من رديت موافقتي طرشوني بالهلاهل
بابا وعمي باسوني وأنس حضني ودمعت عينه هذا ابويا الثاني

ماما كدامهم حضنتني بس أعرف مجبورة

موقصدي أكسر كلمتها بس أعرف ماما
متحب بيت عمي ودوم تحجي عليهم
ومفديوم سمعت من بيت عمي حجى على ماما بالعكس يحترموها هي عدها
الطبقيه أهم من الحنان

شفت أبراهيم يا أشكد صاير حلو نزلت عيني مستحيه

إبراهيم :مبروك هيا

هيا: الله يبارك بيك هم زين طلع منه

هالكلمه اعرف راح يعاقبني على رفضي هو طبعه عكس أخواني هادئ ميبين عصبيته
بعد مراحوا بابا دخل غرفته وصاح ماما بس صوته عالي

شوفي ام أنس قسمآ بالله أذا سمعت حجى زايد منج ل هيا راح أبيع سنين عشرتنا وتحرمين عليه وأبن أخوج بلغته رفضي

فيا بنت الناس فرحي لبنتج وتركي هالخشم العالي كلنا أبن آدم وحواء
وإذا مجنت أعرف إبراهيم مو كد